سؤال بخصوص دهن العود؟؟؟؟؟

أخواتي ودي اسالكم عن دهن العود

أنا رحت لأجمل و كنت ناوية أشتري دهن عود سيف الهند و لأن أختكم في الله ما تفهم في دهن العود راح الموظف جاب لي مــخـــلـــط سيف الهند و أنا قلت له بكم قالي ب 250 ريال استغربت قلت له ما فيه منه ربع توله قالي لأ؟؟؟؟؟ قلت في نفسي غريبة ليش البنات يقولون إن سيف الهند تقريبا ب 600 ريال أو أكثر ما أدري المهم إني شريته (مخلط سيف الهند) و عطاني الموظف عينات ل دهن العود فاكتشفت في البيت غبائي و عرفت إنه فيه فرق بين دهن العود و مخلطات دهن العود و أكلت المقلب. (المشكلة إني شريت بخور مبخر و أنا كنت المفروض أطلبه بخور معطر لأنه فيه فرق في الريحه و غيرها حوسات ثانية بس المرة الجاية بسأل عدل قبل لا أدفع فلوس على الفاضي)

السؤال الحين هو عطاني الموظف عينات لدهن عود (سيف الهند + جذاب + شباب + دهن العود فقط) و لما جربتهم في البيت كل واحد بروحه في يوم ما لاحظت فيه فرق في الريحة بينهم يعني كلهم نفس الريحة فمثلا لو أحد يحط دهن عود سيف الهند و أحد ثاني يحط دهن عود جذاب صراحة ما أقدر أميز بينهم يعني بالنسبة لي كلهم مثل ريحة بعض.

فهل أنتم يا أخواتي تقدرون تميزون بين روايحهم و تعرفون هذا شنو و هذا شنو؟؟؟؟؟؟


مثلا العطور الفرنيسة سهل إن الواحد يميزها يعني أنا أعرف إذا صديقتي حاطة عطر مودموزيل أو عطر أماريج أو عطر جادور أو عطر فيفث أفينيو (طبعا أميز ريحة العطور اللي سبق و إن جربتها بكل سهولة و أعرف اسم العطر) لكن مع دهن العود فشلت و ماعرفت الفرق بينهم أصلا ما أشوف أنه فيه فرق أساسا فتكفون عطوني رايكم الله يخليكم.