سؤال بخصوص سويت داليا في الكويت

السلام عليكم ورحمة الله وبركاته خواتي في وحده عندها فكرة عن محل سويت داليا بصراحة انا شفت حلوياتهم وايد حلوة لأن فيه بنات كانو يجيبون منه في الدوام بس بصراحة مالي درب عليهم بس الغريبة اني لما رحت للمحل ما ليت معرض نفس باقي المحلات يعني مو مثل سابليه ولا خباز وغيرهم كل اللي لقيته مكاتب وطبابيخ لاستقبال الطلبات على الأكل ولما سألت اللي يشتغلون قالولي ماعندنا معرض ولما قلتله شلون اختار وشلون اذوق الحلويات قالي هذا الألبوم عندك وبس ولما فتحته مالقيت شي يسوى واستغربت عيل وين الشغلات الحلوة والغريبة اللي كنت اشوفها في الدوام وسؤالي الحين هل احد عنده فكرة اذا لهم معرض للبيع العادي وشلون اسوي طلب وماكو حتى عينات جدامي ؟؟