$$ سؤال بخصوص عربيات التوائم $ $

انا رائي اللي جنب بعض احلى
اما عن الجوده ماعندي خبره لاني اشتري من المحلات العاديه

مذركير غالي مره وتلاقينها احلى وارخص ماادري ليه مغلينها كذا

انا عندي اللي جنب بعض حلوه بس لما تدخلين من مكان ضيق انواع الحوسه
انا شاريتها من سنتر بوينت وما ادري عن المحلات الثانيه
بس عيبها انها ما تتسدح مرررره
وسلامتك اتمنى اكون افدتك

انا اشتريت اللي جنب بعض لكن كانت جدا متعبه ثقيلة وحجمها كبير- بعدين غيرتها وشريت منفصلة كل واحد لحاله ماركة شيكو اللي اذا تقفلت تصير زي العصاية صراحه روعة ماتاخذ مساحة وخفيفه وتنفتح حتى مستوى النوم وخاصة في السفر واحسن للاطفال عشان كل مايكبروا ممكن يزعجوا بعض0 اتمنى اكون افدتك

شوفي يالغاليه

عندي الثنتين وكل وحده لها مميزات وعيوب

اللي ورى بعض فعلا اللي ورى ينهضم حقه ومايشوف والمشكله كل واحد يتهاوش يبي يقعد قدام والي قدام ماينزل كرسيه اذا نام بشكل كبير لان اخوه وراه غير ان حجمها كبير وثقيله .. ماركتها mamalove

اللي جنب بعض حلوه مريحه بس نفس المشكله ماتدرين الا ماسكين في بعض يا واحد عاض الثاني يا واحد شاد شعر الثاني
المهم مافيه راحه غير ان حجمها كبير وثقيله وتاخذ مكان حتى بعض المحلات مافي مكان تمشين فيها لكنها عمليه اكثر من اللي ورى بعض خاصه عند الاكل اذا كنتو بمكان عام .. ماركتها Graco

الحل الاخير شريت لكل واحد عربيه ...!!

انا اشوف كل واحد بوحدة احلى واسهل ومايكونون ملفتين للانظار