سؤال بسيط فهل ممن يجيب

السلام عليكم بنات حواء..

حبيت أسألكم سؤال...

طبعا أنا لفيت القسم الخاص بالعناية بالشعر..

وتبون الصراحة من كثر الخلطات انلف راسي ما عرفت شو اسوي...

لهذا ارجوكم ...ما ابغي غير طلب واحد وبس..

أنا شعري ناعم ومموج وماعلي راضية بالتموج صح انه قصتي بعد تعاني منه بس راضية فيه...

بس المشكلة شعري خفيف وهذا الي مقطع قلبي...مب عارفة شو اسوي..
وخاصة اني يوم اغسله واطلع يبين كأنه شعرتين والله استحي اطلع من الحمام بعد ما اغسل شعري وزوجي يكون موجود في الغرفة...ما ابيه يشوف شعري...

طبعا انا رحت الصالون وخليتهم يسوون لي حمام الزيت بالصبار...وسويت اشتراك...

بس المشكلة اني مرتين سويته وتوقفت عنه وللحين الاشتراك معاي...باقي لي ثلاث مرات والمشكلة الثانية اني ما احصل وقت اروح الصالون...

خاصة اني بالجامعة وما احصل وقت لنفسي والشيء الثاني زوجي دوامه شفتات يعني اغلب الاوقات يوم اكون انا اجازة هو يكون دوام فما احصل فرصة للذهاب..

فحبيت اسألكم ابي طريقة تكثف الشعر ...وتكون من المنتجات الطبيعية...وغير هذا ابيها تكون سهلة الصنع...لان اغلب الخلطات الي قرأتها صعبة ونص المكونات ما اقدر اجيبها...وما اعرفها

وغير هذا زوجي ما يثق بهذه الامور فلو قلت له ابي اشتري الزيت الفلاني ما بيخليني لانه لا يثق بهذه المنتجات...

وانا قرات انه الزبادي والعسل والزيت الزيتون مفيد...

فهل تعطوني طريقة مكوناتها من المطبخ لتساعدني على تكثيف شعري..

وشكرا مقدما على من قبلت بمساعدتي...وانا ادري انه ما في وحدة منكم بتدخل وما بتساعدني لان فيكم صفة حب المساعدة...

والآسفة على الاطالة