سؤال بسيط لكن مهم؟؟؟

اي وانا سمعت بعد ان لازم الوحده وقت الدوره الشهريه تحافظ على نفسها

من البروده تلبس ملابس دافيه وتشرب اشياء دافيه من اعشاب وغيره

ولا تاكل او تشرب شي بارد وحتى الأكل ماتاكل الا المغذي لأن وقت الدوره يكون جسمها ضعيف

وشنو بعد ..؟؟؟

وشاي الأعشاب بأي عشبه مهمه علشان ما يصير بالرحم تليف على المدى البعيد خصوصا بعد الزواج

وتصير مشاكل بالحمل ... وبس هذا اللي اعرفه:26:

ايه عزيزتي ضروري ان البنت تهتم بنفسها في اوقات الدوره حتى لو صارت مو متزوجه حتى تقي نفسها
ومثل ماقالت الاخت مناير الدلوعه لازم تدفي نفسها من البرد وتشرب اعشاب

السلام عليكم ورحمة الله وبركاته..
كل عام والجميع بخير وعافيه انشالله..
=====================
اشكرك اختي مناير والله يعطيك العافيه.
------------------------------------------------
اختي ام الفزعة الله يعطيك العافية.
------------------------------------------------
طيب سؤالي كيف تعرف المتزوجة واللي مو متزوجة انه حصل معاها هذا الشي؟؟؟
وهل يستمر معها طول العمر؟؟او يوجد علاج له؟؟


الرجاء ممن تملك اي معلومة انها ماتبخل علينا لان الموضوع مهم ..

وجزيتم خيرا..

السلام عليكم ..

خلونا نحط مسألة (الخراب) :55:
المرأه في وقت الدورة يكون جسمها ضعيف نوعا ما، والدليل التعب المصاحب لها
خصوصا انه في بعض البنات لما تجيهم الدورة لازم ياخذون ابره او يترقدون بالاسعاف..
فأي شخص في هالحاله ضروري يهتم بنفسه ويراعي أكله..
الاكل الدافي في الدورة، والقرفه لما تشربينها مو بس لانها تحميك من الخراب، لانها تنظف الرحم، ومايبقى فيه اي اوساخ
اما بالنسبة للتشطف والتغسيل بالمويه،، فما يضر صدقوني النظافة ماتخرب،،
اجل تقعد الوحده ما تتشطف كل الدورة، يعني تتعفن عشان ماتخرب!!! حتى بالنفاس النظافة مهمه،، امي الله يطول بعمرها مره كبيره، وتقول لنا اهم شي النظافة والاكل الدافي
وهذا انا ماشاء الله تزوجت وانا ماخربت، وولدت ولا خربت بعد،، لهومات ما اكلت، ولا حتى مره تبخرت، ولا تحاميل ولا يحزنون
اهم شي اكل دافي ، وبر ، ولحم ، وبالطبع الحلبه والرشاد :30:( بالغصب) والقرفه

طبعا هذا رأيي الشخصي..

ودمتم

مشكورة اختي راوية على معلوماتك والله يجزيك خير انشالله