سؤال بشأن الدورة الشهرية ..

اهتمي بتغذيتك وبتلاحظين ان صحتك تتحسن من جميع النواحي
انا سمعت دكتور يقول ان الجسم اذا فقد فيتامينات ومعادن بسبب قلة الاكل او الرجيم القاسي الغير صحي تتلخبط الدوره لان الدوره عباره عن بويضات لم تلقح فتتحلل وتنزل على هيئة دم بعضه يصير متكتل فلازم تاكلين اكل صحي خضار وسلطات وفواكه عشان تغذين جسمك ويصير عندك دم كافي ويقدر جسمك يشتغل صح من داخل
وانصحك يومياً اول ماتصحين بالمشروب الاخضر ممتاز جداً للدم ومليان فيتامينات ومعادن ويعطي جسمك طاقه وبتلاحظين ان بشرتك صارت مترطبه وفيها نضاره ومع الاستمراريه حتى شعرك يزين ويوقف تساقط
طريقة المشروب :
خذي نوعين او ثلاثه من الورقيات الخضراء بحجم قبضة اليد مليانه من كل نوع مثل سبانخ كرفس جرجير
خياره صغيره
عصير ليمونه
ربع كوب ماء بارد
حطيهم بمحضرة الطعام وافرميهم ناعم مثل العصير او الشوربه ثم صبي على الوجه ملعقه زيت زيتون ومباشره اشربي هذا المشروب مثل العصير او الشوربه بالملعقه لا تتركينه بالثلاجه عشان مايتأكسد لازم مباشره تشربينه
ثم انتظري ساعه جسمك يمتصه ثم افطري ويفضل فطورك يكون زبادي مع فصين ثوم مو شرط كل يوم تاكلين الزبادي بالثوم كليه بعطلة نهاية الاسبوع
واذا عندك دوام ومستعجله على الفطور عادي افطري بعده ب 10 دقايق بس لا تشربين اي مشروب فيه كافيين شاي قهوه ولا شوكلاته ولا غازيات لانها تمنع الامتصاص ومايستفيد جسمك من الفيتامينات والمعادن


وبخصوص نقص الحديد جربي تسوين لك عصير الشمندر مع برتقاله وتفاحه واشربيه الصباح ممتاز جداً لفقر الدم
وتقدرين تسوين لك يوم مشروب اخضر واليوم اللي بعده عصير الشمندر اثنينهم يكملون بعض لفقر الدم
كذلك بعد الغداء او العشاء خذي ملعقه كبيره سمسم اطحنيها وكليها تعطيك فيتامينات ومعادن
وبإذن الله خلال اول اسبوعين تلاحظين اشياء كثير تحسنت ومن ضمنها فقر الدم

اب

رفع

الدورة اول ما تنزل تكون ملخبطة طبيعي كم شهر وتنتظم .. لكن لابد تعالجي فقر الدم .. كل يوم كلي صحن زبيب .. السبانخ وكبد الدجاج أيضا ممتازة ..