بالنسبة الى ارجع قبله البيت واسرع فى تجهيز الاكل وبعدها ادخل استحم واغير ملابسى (( يعنى يكون خفيف وبسيط مثل بيجامة او قميص نوم )) وكما اغير لابنى ملابسه واجلس انتظر رجوعه انا وعبدو لما يرجع نتغدى سوا وبعدها ندخل ننام ...
ولما نصحى من النوم البس لبس بعد الظهر مع مكياج خفيف ونشرب القهوة معاً وبس
تحياتى للكل

انا ارجع من الدوام

بس اترووووش واغير لبسي لبس مريح اهم شئ وارتب شكلي وانتظره لين يرجع واتحيانا هو يسبقني للبيت وانام على طووووووووول هو اصلاا راح يعذرك لانك بتكونين تعبانه لكن نصيحه لوجه الله حبيبتي

الاهم من كل هذا تكونين مفرفشه واتركي البوز اللي ممدود شبرين لقدام على اي سبب

نسيت اقولك انى اخذت اجازة ثلاثة اشهر بعد زواجى والله كانت ايام حلوة بمعنى الكلمة

حبيبتي الله يوفقك و يسعدك
أنا موظفة و ست بيت و الحمد لله كل شيئ ماشي تمام و لو في أيام تكون ضغط شوي بس تعدي مع شوية مساعدة
يعني أنا أرجع من الدوام و ألبس شي لطيف و أرتب مكياج الصباح بشوية رتوش و أربط شعري بايشارب حلو و أدخل المطبخ ... قبل ما أخلص يكون رجع ... على ما يبدل و يشرب ماي أكون جهزت السفرة ( الحمدلله ريحتي ما تكون طبخ الشفاطات شغالة و أنا أغطي القدور وقت الحمس كما إن أكلي حتى المسبك منه بالفرن ) و بعد الغدا أغسل , ألبس بيجامة ناعمة و ممكن أشب شموع و أشغل موسيقى هادئة أو أبخر البيت و أرش رشوش ، ويكون وقت الفاكهة و السوالف الخفيفة .. ننام شوي و نقعد هو ممكن يطلع أو يشتغل شوي بالمكتب و أنا أزور أمي أو أخلص شغل البيت و طبعا إذا كان بالبيت فرصة أكشخ بالجينزات الثري كوارتر و أنظف أو أغسل الهدوم ... مثل أليسا :23:
خهخهخهخهخ
المهم بعدين أجهز العشا و نقعد شوي مع بعض أو نسهر أو نطالع فلم ... الساعة 12 خلاص أنام و الصبح ... دوااام مرة ثانية

و نصيحة لك توفر عليك الوقت : الطبخات جهزي ورق عنب - مقالي - صلصة لحمة مفرومة - دولمة - بيتزا - معجنات - و غيرها ، و بالفريزر و قت ما تبينها بس طبخي و جهزي السلطة و طبق الخضار .

و الدنيا تمشي و فيه أيام تكونين تعبانة مو مشكلة بشوية دلع ممكن تطلبون غذا من بره أو تتصرفون يعني المهم الكلمة الطيبة و حسن العشرة

أتمنى أكون أفتدك حبابة ... و تمنياتي بحياة زوجية موفقة و مليئة بالحب :24: :24:

هلا عيوني لازورد
تسلمين على نصايحج يا حظك وانا بعد مو وايد احب المكياج
بس انا كنت اقصد شكلي شعري وهيئتي اما الميك اب فللمناسبات
او لما اكون مرررررررررره رايقه:42:
فديتك يا عسل


هلا umshamma
اللله يخلي الكتكوته لج وتشوفيها عروس يارب:27:
وميرسي على ردك الحلووو الله يحفظلج اسرتك الاموره

ام عبدالرؤوف
ما شالله عليج ربي يحفظج من العين
وااو جد نظام ولا اروع ..ليتني اقدر عليه
اكيد باخذ اجازة بعد العرس ولوو
اساسا بتزوج عشاناخذ اجازة وارتاح (خوش سبب) خخخ:o
ولج ارق تحيه


هلا قلبي عسولة حبيبي:13:
ماشالله تبارك الله الله يعطيج الف عافيه
نظامك عسسسسل والله بس احسه تعب :((احب الراحه نياهاها )
احسج وايد رومنسيه ماشالله يا حظ زوجك جد (ترى عيني بارده ما تخافين):32:
ونصايحك عن الطبيخ وغيره جد فادتني


الله يخليكم ليا جد انتوا خوات واشكر كل وحده ردت
وربي جميل ماراح انساه مافيه احلى من النصح لوجه الله


وانتظر بقية الموظفات ونصائحهم
وشرايكم نتوسع اكثر بالنصايح في كل مجال في حياه الموظفات


وشكرا مقدما