سؤال خاص لأصحاب البشرة الجافة و الحساسة و المخلوطة!!

هلا اختي ..

جربي تستخدمين صابونه زيت الزيتون طبيعيه وماتضر بالبشره ..

وقبل كنت اعاني من اي صابون احطه على ويهي واكثر شي ناسبني (بابايا) بصراحه حسيت وايد تحسن ببشرتي ..
وكنت بقولج استخدمي اولاي لترطيب البشره بس مادري للبشرة الحساسه اخاف ما يناسبج ..!!
فـ جربي جونسون لترطيب البشرة اعتقد بيناسبج اكثر ..
هذا بالنسبه للكريمات العاديه .. وقبل الفاونديشن بتفيدج وبتعطيج نتايج احسن ..

وبين فترة وفترة احط بويهي ماي ورد .. احس بالانتعاش وبشرة ويهي فيه اشراق ..

وان شاءالله باقي البنات يفيدونج اكثر :)

نفس مشكلتي بالضبط البشره اللي وايد حساسه وتتهيج بسرعه ودوم حمرا

تدرين المرطب الوحيد واللي حاليا استخدمه وريح بشرتي وصفه لي الطبيب من افينو من جونسون اند جونسون حق البيبيات وفعلا يهدي ويرطب ووايد حلو وهو مكتوب عليه لوشن مرطب للجسم من الشوفان بس استعمله للوجه بعد رهيب

واستعملت اولاي للبشره الحساسه لا باس فيه بس افينو افضل بوايد

انا عن نفسي استخدم غسول الوجة من كلين اند كلير وبعد غسول شجرة الشاي والنعناع من بودي شوب الصراحة روووووووعة

وادوام على استخدام المقشر مثل (مقشر المشمش من الهيملايا , ومقشر من بودي شوب اسمه سكن فوكس

وبعد عندي قناع ترطيب عميق للبشرة (vitamin E من بودي شوب انصحج تشترينه يعطيج ترطيب للبشرة واستخدم بعد كريم الليل من فيتامينE
ويوميا استخدم كريم يولاي والحمد الله ما اعاني من الجفاف الحمد الله بشرتي حلوه

مس رومانسية
هل هذي الكريمات خفيفة و لا ثقيلة؟ مرة اشتريت مرطب نسيت شو اسمه من الصيدلية و مدحتلي إلي تشتغل في الصيدلية هالكريم، لما جربته، ريحته اتلوع الجبد، و وايييييييد ثجيل.... و ما كان رخيص هالكريم .... انقهرت و ما استخدمته
مشكووورة عزيزتي

جويل..
مشكورة عزيزتي... ممكن تعطيني اسم الكريم بالإنجليزي؟

نوارة الإمارات
مشكورة عزيزتي.... انا استخدمت المقشرات هذي لين ما ويهي صار حساس، فديري بالج عدل.... بالذات مقشر الخوخ من سانت ايفز.... اينعم لكن قام ويهي تطلعله حبوب وردية صغيييييرة... وايد اتحسست بشرتي

بانتظار البقية

-_-