انا رأيي بصراحه في هالموضوع

اول شي راح آخذ الفئه اللي تقول احسن شي اييبهم ورا بعض و بعدين ارتاح اختي متى بترتاحي يعني جم بيصير عمرج و بعدين انتي الحين شباب عيشي حياتج و استانسي انتي و ريلج و صدقيني دام عندج يهال انسي انج ترتاحي حتى لو بعد مليون سنه العيال يوم يكبروا يصير همهم اكبر و الريل ما بينتضر لين ما تكبريهم و بعدين تهتمي فيه ترا وايد صعب

اما الفئه اللي تقول نخلي فتره بينهم ((انا اؤيد هالفئه ))

عندي صديقتي حملت في ثاني اسبوع من زاجها مسكينه حتى ما استانست في شهر العسل إلا و هي تتوحم و الحين ولدها عمره 9 شهور وحامل في الثاني والله تقعد تصيح صياح و كل يوم تقعد على راسي لا تحملي بسرعه استانسي انتي وريلج عيشوا حياتكم

خلوا بين كل ياهل و الثاني فتره و أحسن شي من 3 سنوات إلى 5 تراها نصيحه و لا تضيعي ريلج منج بقلة الأهتمام فيه و اليهال بيكبروا و بيتزوجوا و محد بيبقالج غير ريلج اهتمي فيه من البدايه عشان ما يضيع منج في النهايه

أسف طولت عليكم بس رايي

انا من راي فيه فرق بينهم احسن علشان كل واحد ياخذ حقه في التربيه والرعايه والاهتمام

اناا افضل يكون الثنين الاولين وراا بعض عشاان يكبررةون مع بعض وبعدين الا يكوون فية فاااااصل الصرااحة اناا يعجبني الحرريم الي يطوولووون اماا الي كل سنة حاامل احس ماااتعيش حيااتهاا زين
والي يجووبوون عياال اكثرر من اربعة الصارااحة مدري شلوون عااايشين اناا عندي اثنين ومجنيني مدري شلوون ارضيهم

اماا الي يجووبوون 6 اوو سبعة وراا بعض احس بتضل طووول عمرهاا بفوووضة ماالهاا حد كيف يقلوون نجيب وراا بعض ونرتااح وين الراااااااحة يااحسرة


اتمني يكوون عندي ثلاثة اطفاال وبس هداا الي براااسي واللة يكتبلناا الي فية الخيررر

انل ولدي عمره سنتين وخمس شهور ودي احمل لان عندي مشكله التكيسات لكن لو كنت طبيعيه يعني افضل يكون بينهم وقت من4ال5 سنين لان الوحده من تجيب 2او3 خلاص تضل مشغوله فيهم على طول انا ماني عارفه اي راحه تتكلم عنها اللي تقول اجيبهم وراى بعض الاولاد كل مايكبرون يكبر همهم بتدخل في سن المراهقه وووو يعني ماراح ترتاح الا لما تزوجهم كلهم يعني بعد مايروح عمرها حتى قص الشعر ماينفعلها

لا والف لا للي ورا بعض والله يجيك الضغط والسكر والعصبية..
انا جبت البكر على طول من اول سنة زواج يعني ما تهنيت وحم وغثيان وبعدين ثقل وولادة وتربية بعد تسع شهور حملت ثانية وبدت المعاناة من جديد وبعدين جلست ثلاث سنين وحملت والحين ولدي الصغير عمره 3 سنوات وثلاث شهور وابوه يقول لا تحملين لين يدخل المدرسة واحس فرق مرتاحة لانه كبير ما يعذبني لا في البيت ولا عند الناس..
مجرد رأي وكل له ظروفه!!:04: