سؤال صعب بس بدي جواب حكيم وصريح

مرحبا صبايا كيفكون انا امس كتبت قصتي مع زوجي وبنفس اليوم بليل اتناقشنا بالمشكلة اللي صارت بيني وبينو وكل واحد حكا اللي عندو مو هون الموضوع الموضوع انو زوجي جرحني وعلم عليي ليوم الدين صارحني بشي صرلي 4 سنين مخدوعة فيه اول ما تزوجنا كنت ما حسو انو بحبني بس مع الايام افعالو ودلالو ل الي خلاني قول انو احساسي ما كان بمحلو المهم مرت عليي ايام بسموها عسل بشهدو طبعا بعد سنتين من زواجنا هاد الحكي المهم مبارح قلي بدي صارحك بشي صرلي زمان مخبي بقلبي مشان ما اجرحك قلي انا من زمان ما بحبك وما دخلتي لقلبي بس انجبرت وافق عليكي لانو ما حدا رضي يعطينا بنتو بسبب انو ما عندي شي ملك يعني لا محل ولا بيت لحالو بس عشت معو ايام العسل ما بنساها من اخلاقو الحلوة وتعاملو اللطيف معي بس فاجئني بكلمتو مبارح انو هو ما بحبني بس انجبر على امرو واضطر يعاملني ل لله بس مو محبة فيني قال بدو يعيش مضطر ما هان عليي يرميني بعد ما علقني معو بصراحة حكييو خلا عقلي يكبر لانو في مثل بقول الضربة اللي بتوجع قلبك بتكبر عقلك بصراحة انا بحبو كتيير بس بعد ما صارحني خلاني ما عود فكر اني غار عليه حتى لو تجوز عليي صار عندي الامر عادي شو بدو يساوي يساوي ما راح قلو ليش ساويت او عملت بئا سؤالي هون واسفة عالاطالة الشي اللي بدي اتصرفو معو صح ولا لاء طيب فيني حببو فيني ولا لاء والزلمة اللي بقول للمرا انو ما بحبا هو بكون فعلا ما بحبا ولا مجرد استفزاز ليعرف شو ورا لسانها حكي شو بتشورو عليي بقولو اللي اكبر منك بيوم اعلم منك بسنة انا هلق متمنية الموت ولا اسمع هالكلمة منو للعلم عندي بنت وصبي وهلق حامل كمان ياااريييت اطمنوني كيف لازم تعرف المرا انو جوزها فعلا ما بحبها والله يسعدكم يااارب ولا يجرح حدا بكلمة متل ما انجرحت