سؤال ضروري لكل مدرسة روضة متمرسة ؟؟

هلا اختي..

أنا ماني مدرسة روضة لكني أم ..مادام حبوك..يعني تعاملك معاهم حلو..

المهم تكونين حازمة في بعض المواقف..علشان ماتفقدين سيطرتك عليهم

التعامل مع مجموعة كبيرة يختلف عن التعامل مع اثنين والا ثلاثة..لأنهم اذا كثرو تزيد شقاوتهم..

علشان كذا لااابد من وجود الحزم..ودايما حطي ببالك وجود الفروق الفردية

سواء ذهنيا والا تربويا..وتأكدي مادام حبوك..كل واحد يبي رضاك ويبي اهتمامك

الله يكون بعونك..

وهم بهالعمر يحفظون الحروف والأرقام والأناشيد عن طريق التلقين والتكرار..

خصوصا لما تلحنيها لهم..ترسخ أكثر..قدرتهم على الحفظ بهالعمر كبيرة..

الله يعينك ياغالية..بالتوفيق..

(( بقول لك موقف صار لي بيسعدك كمعلمه لهالمرحلة:)..إبني الأوسط كان يحب معلمته بدار

التحفيظ واربع وعشرين ساعة يتكلم عنها وابلى خديجة قالت وابلى خديجة سوت

يوم رحنا عمرة..قال لأبوه واحنا نطوف وش نقول بالطواف بابا..قال له ابوه ادعي بأي شي

تبغاه..بعد مارجعنا من مكة..سألته وش دعيت حبيبي..قال دعيت ربي يوفق أبلى خديجة..

وحنا ماااادعالنا ..!!! تخيلي..يابخت اللي يتقبلونهم الأطفال..دليل انك انسانة طيبة))