اممممم لو كنت مكانج بقووولهـ جسم الانسان فيه جزأ منه محد يقدر يلمسه (( قوليله الملابس الداخليه )) واذا احد المسه تعال علم ماما ولا بابا ولاتسكت

(( يعني اذا احد المسه يسمووونه اغتصاب ))

البنات ما قصروا كفوا ووفوا....

فيه شغله الطفل احيانا يكون حاس او عارف بس بيتاكد لو لفيتي ودرتي ما راح يثق في معلوماتك ابداً..

اول شي الثقافه الجنسية اكثر الأهالي خايفين منها

10سنوات بداية مرحلة البلوغ عند البعض الحمدلله عيالي وبناتي معلمتهم من يوصلون للعمر هذا على معنى البلوغ وعلاماته.

وحلو تكونين جاده وانت تتكلمين مو يتصفق الوجه وتتلعثمين ...وبيني له فيه كلمات لازم نختارها صح مو كل شي نعرفه نسولف فيه فهذي خصوصيات للشخص.


انا ما قول التفصيل الممل لكن فيه فرق بين الجنسين من ناحية الشكل والواحد كبر لازم ينتبه لنفسه ومن هالكلام.......

نجي على كلمة الاغتصاب مثل ما قالوا البنات استفسري منه وين سمعها

لأن لها كذا تفسير إذا طلع المقصود الاغتصاب المتعارف عليه بيني له معناه بكل وضوح ...حسب استيعاب الطفل اللي قدامك هو يلقط الكلام ولا يتنح

ولدي الكبير احس يستوعب بس الصغير قصص لحد ما توصل المعلومه.

عموما ...البنات فسروا الاغتصاب انه اعتدى على البنت من رجال غير محرم او او ...لاااااااااااااااااااااااا

الاغتصاب يكون من احد الجنسين على البنت او على الولد ويقصد فيه لمس المناطق الحساسة او القبلة على الفم او التمسيح على الجسد او الرغبه في مشاهدة الاعضاء الجنسية (مثل ما قول لعيالي عيبك) ...
واي شخص يسوي اي حاجه من هذي للأطفال او للكبار الضعاف الله يغضب عليه لأن هذا حرام واللي يسوي الشغله هذي يسجن ويعزر ثم يعدم ....يعني بطريقتك وصلي المعلومة بدون التعمق الشديد ولا البعد اللي يشتته.

طبعاً هذا لايمنع قصه سمعتيها او تالفينها محتواها أن الواحد لازم انه ما يسمح لاي كائن يقرب منه غير امه او ابوه ولو صار لازم يصارخ
وخليها ان واحد سوى او الخدامه سوت حاجه مو زينه لولد او السايق طلب من الولد والمفروض يعلم اهله خصوصا امه باي شي طبعا القصه مو سرد لا!! خليها بطريقة اسئلة هاه لو صار كذا الواحد شنو لازم يسوي؟؟؟

الاغتصاب والعياذ بالله صار يتم لاولاد 16 سنه وفوق بعد

وعوا عيالكم واخوانكم الوقت هذا تخافين على الولد نفس البنت... وعلى فكرة بنتي 3سنوات ونصف مبينه لها فيه اشياء خاصه بها لايسمح لأي كان يشوفها او يلمسها غير الأم ....فهمتوني بنات

ابين لها بطريقة لعب هذا حق من؟؟واشير للمنطقة الجنسية. طبعا بتتنح اقول حق فلانه بس ماما يغسل بس ماما يلبس واغطي عيوني وانا البسها .بابا لاااااااا! فلان لاااااااااا وعددي اللي تبين وهي بتثبت المعلومه في راسها ولو احد حاول يتحرش حتى بحسن نيه تلاقينها تصارخ عيب.


اتمنى اني وصلت المعلومه صح

والله يعينا واياكم على تربية عيالنا التربية الصالحه ويستر عليهم دنيا وآخره

بكل سهوله كان جاوبتي
الاغتصاب هو الحصول على حق ليس لنا
او الاغتصاب هو اخذ ما هو ليس حقك كلاغتصاب اسرائيل للاراضي الفلسطينيه وبس

مشكورين يابنات على تفاعلكم
ماقصرتوا
بالنسبة للي قالو لي استفسري منه من وين سمع هالكلمة اقول لهم
هو يوم سالني قالي انه قرأها في جريده
وامس عاد علي السؤال وجاوبته
ان معناه لما يجينا رجال غريب ويدخل البنت في غرفة لحالهم مافيه احد معهم ويحاول يشيل الغطا عن وجهها او يشيل عبايتها او ملابسها وهي تحاول تمنعه مثلا تصرخ او تنادي
وهو مو مهتم ويكمل اللي يسويه هذا اغتصاب
وقلت له انت عارف انه مايجوز احد يشوف وجهي او اشيل عباتي جنب رجال غريب؟؟قال ايه ادري




واللي قالو كان جاوبتيه بكل بساطه انه اخذ شي بالغصب او ليس حقه اقول لهم
هو طفل ماينفع اقوله كذا
لانه لو فهمها بهالمعنى بيصير يردد هالكلمة بالرايحة والجاية


واللي قالوا لي اقوله مثل قضية فلسطين او اسرائيل
هو عمرة 10 سنوات مو 20 سنة
وش يفهمه بالقضية الفلسطينية
وبعدين الكلمة معناها واضح انه رجال يعتدي على حرمة ليه الف المعنى
كل المطلوب مني اني اقوله المعنى الصحيح بس بالافلاظ اللي تناسب عمرة وتناسب براءته وتفكيرة