سؤال عاجل للدكتورات

بسم الله الرحمن الرحيم
مساكم الله بالخير جميعا
حابه اسال الدكتورات الفاضلات و اخواتي البنات
انا صار معاي اجهاض والحمدلله على كل حال قبل اسبوع وساحكي لكم قصتي
اخر دورة لي كانت بتاريخ 3 فبراير الموافق 4 محرم وانا حامل بالاسبوع السادس نزل معاي وصخ بني اللون خفيف طبعا خفت كثير ورحت لدكتورتي كشفت علي من تحت وقالت هذا دم فاسد لازم ناخذ اشعه عشان نتاكد ان كل شي سليم وفعلا رحت اخذ اشعه لما حطت الجهاز على بطني قالت مو واضح شي ابكشف عليك من تحت ولمت كشفت بان الجنين سبحان الله وشفت نبضه وقالت كل شي سليم وقالت انه واضح بالجهاز العمر 6 اسابيع و6ايام وانا قبلها كان معاي كحه خفيفه وقالت الدكتور يمكن من الكحه وطلعت من عندها ومن بكره سبحان الله صار دم مو كثير مره اخف من الدوره واتصلت على دكتورتي قالت اذا كان مافيه الم مافيه الا الخير وانا فعلا ماحسيت بالم ابدا واستمر معاي الدم اسبوع وسبحان الله بهالفتره ما ارتحت ابد مشيت كثير .
بعد اسبوع حسيت بالصباح بالم باسفل البطن يجي ويروح مثل الم الدوره تقريبا بعدين رحت للحمام اعزكم الله وحسيت بشي طاح وبعدين خف الالم ولم صار العصر رحت للمستشفى وسوو لي اشعه والحمدلله على كل حال قالوا مافيه شي بالرحم لدرجة ان اللي سوت لي اشعه قالت انتي مسويه تحليل حمل قلت ايه انا بالاسبوع السابع قالت مافيه شي ابد والدكتوره قالت لي انه طاح والرحم نظيف وماتحتاجين تنظيف لان الحمل صغير ونصحتني انه ما احمل على طول ووصفت لي حبوب حمل وانا استخدم ميكروجين 30 وقالت ان الحبوب هي تنظف الرحم وتنزل اي شي باقي من الحمل الاول وتكون بطانة رحم جديدة وعطتني مضاد حيوي اسمه جو ساكسين ومسكن اسمه تابيجيسك فورت وانا صرت اخذ رشاد وعسل وحبة البركة ، وبعد مرور يومين من استعمالي حبوب المنع جاني الم اسفل البطن وطاح مني قطعة لحم قاسيه بحجم الاصبعين وكانه لها ذيل.
هل تصرف الدكتوره بهذا الشكل صحيح ؟ ومايحتاج انه اسوي تنظيف؟
وهل هو شي طبيعي انه الحمل ماينبان بالبطن بالاسبوع السابع؟
ووش تتوقعون اسباب الاجهاض؟ وماهي القطعه اللي طاحت مني؟ماذا تنصحوني فيه مع جزيل الشكر لكم