سؤال عندي يمكن غريب ؟ هل ملقوفة ولا عادي

السلام عليكم


خواتي انا ودي اسال سؤال يمكن غريب بس ودي افهم شخصية بنتي الله يصلحها
يمكن تستغربون اني مافهمتها مع انها بنتي لاني احس مهوب هذا طبعي

تسالني عن اي شي جديد او غريب لو احد ارسلنا مثلا شي ورحتي حلاو بتعطينها منه اول سؤال
من وين ؟تدخل علينا بالغرفة وانا مثلا اسولف انا وبنت اخوي تكون دخلتها بسؤال وش كنتو تقولون ؟ماشاء الله عليها تعرف اخبار البيت اكثر مني يعني اي شي اسالها عنه هي

كتومة بلغت من حوالي ثلاث شهور ومن بلغت وهي تراقبني لااعلم امي مغبية بسرية تامة لدرجة تسبب لي قلق حتى انا ماادري وش يصير معها ماتبي كلام فيها وتقطع كلامي اذا فتحت معها السالفة اعلمها ولا اوجهها لشي ماتترك لي فرصة

تحب تسال لكن ماتحب احد يسالها تجاوب على السؤال احيانا بسؤال ووحدة من بنات خواتي تقولها انتي بس تسالين ماتسولفين

تتفشل من اي شي ودايم كلمة فشلة على لسانها مع اني اقول عادي مهوب شي يفشل

تتضايق من التوجيهات وتتهرب بسرعة ماتبي تسمع

من كانت صغيرة الى وقت قريب اذا شريت لها شي جديد ولا شافت شي جديد تشمه!! يعني تكتشفه بحاسة الشم


عمرها 13 وناجحة للمتوسط شاطرة الحمدلله بالمواد الادبية والدين لكن متعبة بالرياضيات
هي ملقوفة يعني ولاعادي اترك لها حرية السؤال لاني اتذمر من اسئلتها ؟؟

الحمدلله هي هادية وحبوبة ومسالمة ماتحب المشاكل

بس الاسئلة عادي ؟