سؤال عن أنظمة المستشفى العسكري بالرياض.. آمل سرعة الإجابة عنه مشكورااااات..

السلام عليكم ورحمة الله وبركاته..

بسألكم الله يرضى عنكم عن فتح ملف مراجعة ولادة بالمستشفى العسكري بالرياض.. أنا في منتصف الشهر الثامن وكنت راجعت في مستوصف أهلي خارج الرياض والآن ذهبت لفتح ملف بالعسكري قالوا لازم تروحين لمركز طب الأسرة والمجتمع بحي الوزارات وتجيبين منه تحويل.. رحت للمركز ودخلت على طبيبة أتوقع أنها عامة وكشفت علي وطلبت مني تحليل دم وبول وأعطتني ورقة تحويل للمستشفى العسكري (الرئيسي).. المهم حللت في مركز الوزارات ثم أعطوني موعد بعد 17 يوم يعني الثلاثاء 6/1/1429هـ.. ثم رحت للعسكري وأعطيتهم ورقة التحويل وسووا لي إشاعة ثم أعطوني موعد بعد 21يوم يعني الإثنين 12/1/1429هـ..

وأسئلتي هي:
1/ ليه أعطوني موعد في مركز الطب والأسرة بالوزارات؟ هل هو للدخول على الطبيبة أو لنتيجة التحليل؟ أو ليه؟
2/ نفس الشيء ليه أعطوني موعد في المستشفى الرئيسي؟
3/ متى يفتحون لي ملف؟ ومتى يعطوني كرت متابعة حمل وولادة؟
4/ نتيجة التحليل اللي سويته آخذه من مركز الوزارات أو المركز الرئيسي؟
5/ هل كل مراجعاتي تكشف علي طبيبة؟ أو يدخل علي طبيب؟ نفس الشيء الولادة طبيب أو طبيبة؟ وهل لي الحق أني أرفض دخول الطبيب؟

وإذا كان عندكم أي شيء أستفيد منه عن هذا المستشفى لا تبخلون علي فيه.. فأنا محتاااااجة لنصائحكم..


المعذرة طولت عليكم بس لأني محتارة لأني أول مرة أدخل هالمستشفى ولا أعرف وش طريقتهم..
مع دعائي لكم بالسعادة والصحة والعافية والتوفيق..
@@@@@@@@@@@@@@@@@@@