سؤال عن ارتفاع في هرمون الحليب ؟؟؟!!!!!

عزيزتي هرمون الحليب موجود بنسبة معينة في كل جسم اذا زاد عن هذه النسبة يعتبر ارتفاعا للهرمون و يمكن اكتشاف ذلك عن طريق تحليل الدم في ايام الدورة و يمكن علاجه بالادوية مثل الدوبريجين و الدوستنكس حسب مايصف لك الطبيب كما انه يرتفع مع القلق الزائد و النفسية المتعبة و ارتفاعه ممكن يأخر الحمل حيث انه يمنع التبويض .
أختي انشالله ماعليك الا العافيه سوي تحليل و تأكدي و حتى لوطلع مرتفع لا تحاتين لان علاجه سهل باذن الله و القلق الزايد يرفعه لك أكثر خلك هادئة و لا تفكرين وايد.

السلام عليكم ...
هذي مشكلتي والله يعينا عليها... حبيبتي اللي يرتفع هرمونها يطلع من صدرها حليب كامل الدسم خخخخخخخخخخ لا اتغشمر بس بالفعل ينزل حليب ... وبعدين المبايض تتكيس والدورة تتخربط وتتأخر كم شهر عادي تتأخر 6 شهور ... والجسم ينتفخ وفي من البنات ويوهم تشعر وتحبب الله يعينهم ويعينا... عطوني حبوب جلوكوفاج اسمريت عليها اممممممممم أعتقد 3 شهور ولاعت جبدي منها وخليتها تولي خاصة بعد ماتطلقت ... ليش اذبح عمري بالأدوية عالفاضي ... وترا احسن شيء لها الحالة الريجيم وسبحان الله كل شيء يرد طبيعي.. والمريمية وايد تنفع لها الحالة.. والله كريم..
إن شاءالله قدرت اوصلج المعلومة وإذا محتاجة معلومات أكثر عليج بالأخت سلسبيل والأخت بنت النيل وأكيد باقي الأخوات مابيقصرون ... :27:

جزاكم الله الف خير على هالمعلومات القيمه
اختي بنت النوور
تسلمين حبيبتي بس حبيت اقوول لك الحمد الله انا مافيني ارتفاع في هرمون الحليب وحبيت اسأل عنه علشان ازيد من معلووماتي وعلشان اعرف النبات عن شنو يتكلمون بالضبط لان وايد عندنا حالات هني تتكلم عن هالنوع من المرض وانا ماعرف عنه ولا شي



اختي وردة بلادي

جزاك الله الف خيرررررررررر يا اختي على هالتووضيح