*** سؤال عن التجهيزات وحقيبة المستشفى ***

للرفع

هلا ومرحبا..

1- بالنسبة للياهل بس بكتبلج الكمية تقريبا وانتي عليج تشوفين مناسبين والا لا:

6 ملابس شبك.. أوفرول يعني.. كيس newborn وكيس من صفر – 3 شهور..

6 فوانيل داخلية..

4 قماط أو لفات للبيت و 2 حلوين لزيارات الأهل وللمستشفى..

لا تنسين قبعة أو قحفية للراس.. ترى يقولج لازم تلبسين الياهل شي فوق راسه عشان مايدخل الهوا من فوق.. خليها ببالج..

بامبرز لل newborn.. ومحارم بامبز أو جونسون..

لحاف.. وسرير ومستلزماته طبعا..

فوطتين.. وفوط صغار بيفيدونج بعد..

الأعشاب الضرورية ( كمون + كراوية + حلبة )

شامبو + صابون + مقص الأظافر + لاتستخدمين قطن لتنظيف الأذن..

2-بالنسبة للأم..

قمصان نوم مريحة للبيت وقمصان نوم راقية شوي للمستشفى أو لأول الأيام للبيت..

ملابس داخلية.. من حمالات.. وووووو

الباقي كل اللي تحسين بحاجته..

وعليكم السلام ورحمة الله وبركاته
الله يقومك بلسلامه واظاهر اول مرة بتولدين علشان كذا تسألين
1ـ للمستشفى:انت تحتاجين اقمصه قطن مريحه وممكن حقتك الحاليه بس لوقت الزياره يبغالك حاجه فخمه شوي وطبعا ملابس داخليه وتوصي فيها .........كمان شبشب بيت الله يكرمك ومشط او فرشه للشعر وفرشة الاسنان والمعجون (اذا كنت بتولدين في مستشفى خاص عادة يوفرونها ) وكمان فوط نسائيه وشرشف وبيت مخده ولحاف اذا كنت تحبين الخوصوصيه ....مناديل ورق امممممممممممم هذا الي تذكرته الحين
2ـللنونو:ملابس داخليه وفرهولات وكوافل وشال صوف وكيس البيبي علشان وانت خارجه بلسلامه (اذا كان الجو بارد عندكم مثلنا) اذا كنت في منطقه دافئه ما في داعي للشال .
الله يجزاك خير ذكرتيني بايام الولاده.....الله يعطيك ساعه مباركه.................اختك وردة الهدا:26:

شكرا لكل من ساعدني ورد علي واتمنى من بقية الاخوات الكريمات يساعدوني هم بعد ويذكرون لي الكمية من كل شي عشان الواحدة ما تكثر او العكس تنقص .. :13:

الله يسهل عليج يا رب

ننتظر ردوود باقي البنات علشان نستفيد

انا وصلت الاسبوع 33 و للحين ما جهزت الشنطه
مو عارفه شو احط فيها