سؤال عن التقديم على المنح الداخلية ..!!

وش هي المنحه؟؟؟؟

مابعرف اول مره اسمع عتهاا

للرفع ما عندي عليم
ويشهي المنحة ما قد سمعت فيها !

يا جماعة الخير ..
منحة الملك عبدالله الداخلية ..
هي مثل الابتعاث الخارجي لكنه داخل البلد يعني في المملكة ,,
تقدمين على طلب المنحة من موقع وزارة التعليم العالي ( هم فتحوا التسجيل من 1 رمضان الى 15 شوال )
الآن التسجيل قفل وراح يفتح على الترم الثاني ...
هذا رابط التسجيل
http://grants.mohe.gov.sa/default.aspx

طبعاً التقديم يكون على كليات ومعاهد أهليه محددتها الوزارة هذا رابطها

http://grants.mohe.gov.sa/ApprovedFaculties.aspx

أول تقدمين على الكلية اللي تبينها عن طريق موقعم وبعدين تقدمين طلب المنحة من موقع الوزارة

الوزارة تقبل على المنحة 50 % من نسبة المتقدمين على الكلية

واذا جاتك الموافقة تروحين تودين اوراقك للكلية وتبدأين الدراسة طبعاً أقل درجة بكالوريس يعني أربع سنين ..

وبس صلى الله وبارك

على فكرة هي السنة هاذي أول سنة لها يعني بدأت من الترم الأول ...

طبعاً يقبلون أدبي ولا علمي هذا راجع للكلية اللي اخترتيها تخصصاتها أدبية ولا علمية مثل ( إدارة أعمال . ولا تمريض ولا صيدلة ,, الخ )

شروطهم ::

1- نسبة القدرات ما تقل عن 65 %
2- نسبة الثانوية العامة ما تقل عن جيد جداً
3- سعودية
4- التقديم على التخصصات اللي طالبتها الوزارة ( يعني مو شرط كل التخصصات اللي في الكلية .. بعضها )

بالنسبة لكلية الغد اللي قدمت عليها تخصصاتها صحية كلها .. تشمل ( تمريض وصيدلة وادارة صحية وطب طواريء وطب أسنان ..)
طبعاً معتمدة جداً .. وغالية جداً .. يعني طي الاسنان السنة الوحده بـ 70 الف ريال احسبيها على اربع ..

هذا رابط ممكن يفيدكم .. http://grants.mohe.gov.sa/faqs.aspx

وسلامتكم حبايبي ان شاء الله أكون أفدتكم ..

الله يجزاك كل خير