شكرا لكل وحده ردت عساهاايدين ماتمسها النار بس اللي تقول خلي الغلايه مفتوحه كيف ماتشتغل بدون ماتتسكر الا اذا فيه طريقه ثانيه ياليت توضحين

بصراحه سوي مثل ماقالوا لك الاخوات

أغليها بالغلايه...يعني لاتسكرين غطاء الغلايه عليها
وتكونين ماسكتها بيدك والغطاء مفتوح
وكل ما بدأت تفور أفصليها من القاعده حقتها
أنا جربتها العام في ماليزيا مره طعمه

وخذي معاك غلايه وخليها خاصه للقهوه

وغلايه الفندق خليها للشاي ...

والله يا قلبي بالنسبة لي ما تحلى القهوة إلا بالابريق وعلى النار مباشرة تكون ألذ

وأنا ما استغني عنها أبداً بالذات مع الطبيعة الحلوة مثل ماليزيا فايش سويت اشتريت

عين كهربائية وابريق صغير من النوع الخفيف والنتيجة حلوة ولاهي مكلفة ، وطريقتي

أغلي الماء أولاً في الغلاية حقت الفندق ثم اصبه في الابريق عشان اسرع ثم اضيف

القهوة واخليها تغلي وفي الترمس احط الهيل وقبل اطفيها اضيف خلطة القصيم للقهوة

تخلي القهوة خيال ...

اتركك مع بعض الصور







وأحياناً يكون الفندق فيه فرن كهربائي فيوفر عليك






واستمعي بأحلى قهوة وأحلى أجواء لا تُنسى

ورحلة موفقة :)

سوييها ببرادي للقهوة مخصصته خذيه معاكي

خذي معك دافور صغير يبيعونه في محلات المواعين حجمه حجم ترمس صغير يدخل في الشنطة وعدة القهوة كامله واشتغلي على الدافور وخلي عنك الغلايه الكهربائيه والطبخ فيها والله مايطلع للقهوة طعم صح الا اذا طبخت عالنار لاتعدمين غلاية الفندق ولا غلايتك الدافور الصغير حل للمشكله