سؤال عن الكبو ... للخبيرات

السلام عليكم

انا من كثر ماقريت عن ادوية النفاس في المنتدى لقيت ان الكبو متكرر في اكثرها لكني استغربت من اختلاف طريقة استعماله ومكوناته

مثلا قريت 3 اراء
وحده تقول انه يستعمل من ثالث يوم لنهاية النفاس
ووحده تقول انه يستعمل بعد اسبوعين وحذرتنا من استخدامه قبل الاسبوعين
ووحده قالت انه يستعمل من اول يوم
ويوم سالت بره المنتدى قالو انه يستخدم في اخر الايام ( تقريبا اخر 10 ايام )

والحين عندي جم سؤال واتمنى اللي تجاوبني تكون مجربته مو بس سامعه عنه

1- شنو انواع الكبو بالضبط لاني قريت ان فيه نوع للشمم ونوع للهوا ؟
2- اي نوع نستخدم للنفاس ؟
3- شنو مكونات الكبو اللي يصلح للنفاس ؟
4- نطحنه والا لا ؟ لاني قريت اننا مانطحنه ومره قريت وحده تقول نحط ملعقة صغيره
5- متى نستخدمه ؟؟ من اي يوم بالضبط ولغاية اي يوم ؟؟
6- شنو فايدته بالضبط ؟؟

اتمنى الاجابة تكون متسلسله ... يعني كل اجابة نحط عندها رقم السؤال

يعطيكم الف عافيه :26: