سؤال عن الكلف

اهلين اختي
الكلف يصير بالوجه على شكل بقع زيت يعني مو بني بالمره بس اذا شفتيها كأنها بقع زيت لونها خفيف بس يخرب منظر الوجه
بالنسبه للجسم انا ما ادري هو يطلع بالجسم والا لا بس بالوجه اكيد لان انا فيني ولا لقيت له حل
وهو من التعرض لاشعة الشمس


المسامات اللي بالوجه هي مسامات شعر الوجه واسعات يكون عند بعض الناس مسامات شعر الوجه كبيره نتيجة استخدام منتجات غلط مثل الصنفره ودعك الوجه بالليفه وتنظيف البشره عند بعض الصالونات لان البعض من الصالونات اذا عملوا تنظيف بشره للزبونه شي طبيعي انهم بيعرضون الوجه للبخار عشاااااااااااااان تتفتح مسامات البشره وتسهل عملية التنظيف وبعد ماتنظف البشره يقولون خلصنا وقومي غسلي وجهك بس مايحطون لك قناع او ثلج تسكر مسامات البشره

وفيه احد يقول ان المسامات هي الحفر اللي باللوجه

بس اعتقد ان الحفر اللي بالوجه هي الندب
البقع البنيه اللي بوجهك من تعرضك للشمس والا من آثار حبوب قديمه


عموا انا استشرت صيدلي بخصوص الحفر اللي بالوجه وقالي عن علاج اسمه " كونتراكتوبكس " وقالي هذا ممتااااز جدا للحفر واثار الحبوب والندب اللي بالوجه واثار الحروق
انا استخدمه مرتين باليوم اغسل وجهي بالموية والصابون وانشفه واحطه على وجهي بتدليك لحد ما ينشف (( على فكره هو جل وليس كريم ))

وفيه خلطه خذيتها من هنا بالمنتدى بس والله ما ادري من هي صاحبتها " ناسيه اسمها الله يسعدها "
طبعا انا اخذت اللي ابيه من الخلطه وخليت اللي ما ابيه لان فيها ريحه

المهم

المقادير

تجيبين من الصيدليه كريم التهابات الحفاضات اسمه " سودو كريم " علبته اسطوانيه ولونها رمادي ولون الكريم ابيض اي حجم تبينه
كبسولات زهرة الربيع " كبسولات زيتيه اي بداخلها زيت " هي قالت كبسولات فيتامين E بس مالقيتها وخذيت هذيل واصلا هذيل مره ممتازات
موية ورد( نص كاس)
كمية من المرة قد ملعقة الاكل سواء مطحونه والا مو مطحونه عادي لانها بتنقع " تلاقينها عن العطارين "
فنجال قهوه او شاهي زيت جنين القمح " انا استخدمت اللي من شركة وادي النحل ايضا تلاقينه بالصيدليات "

الطريقه

تنقعين المره بالليل بموية الورد ومن بكرا خوذي الصافي من موية الورد والمره واخلطيه مع الكريم واخلطي معاهم زيت جنين القمح
اخلطيهممممممممممممم زييييييييييييييييييييييين
خلاص

عند كل استعمال تاخذين كميه بسيط من المزيج الكريمي اللي سويتيه " شي يكفي وجهك فقط " شي بسيييييييييط مره من اللي تاخذينه لانه هو ثقيل وبيكفي وجهك

اذا اخذتي الكمية البسيطه تفكين وحده من الكبسولات بأبره وتخرجين كل الي بداخلها وتخلطينها بهالكمية البسيطه وهنا يخف عندك المزيج ويصير سهل الدهن على الوجه


ملاحظه: انا استخدم الخلطه الكريميه بالنهار اقل شي ساعتين والااااااافضل انها تطول لحد ما تتشربها البشره وانا استخدمها مرة باليوم وعلى وجهي كله الخدود والجبهه واللي حول العيون والشفايف وكلللللللل الوجه بدون استثناء

وباليل يعني اول ماتصلين المغرب تحطين الجل تبع الندب " كونتراكتوبكس" وتدهنين فيه وجهك لحد ماينشف بالتدليك لانه مهم وبدون تدليك ماراح تشوفين اي فايده واذا نشف وقفي عن التدليك
واذا جيتي بتنامين بعد حطيه مره ثانيه طبعا بعد ماتغسلين وجهك بالمويه والصابون يعني ماتحطينه على الطبقه الاوله عشان ينحسب لك مرتين باليوم حطيتيه
واذا جيتي وبتطلعين من البيت بالنهار حطي الواقي من الشمس انا عن نفسي استخدم واقي الشمس من نيتروجينا حلو مره



عذرا ماعندي صور للاغراض الي قلت لك عنها
الخلطه الكريميه لي ثلاث ايام استخدمها صراحه حلوه وشفت منها نعومه بوجهي وتحسين ان وجهي بداء يخف وبداء يروق وينور
الجل انصح فيه لانه مررررررررررره ممتاز وايضا ممتاز للتشققات البيضاء القديمه وطريقته مثل طريقة وضعه على الوجه من دهن وتدليك



اي سؤال اختي تلاقيني عالخاص


ادعيلي ان الله يفرج كربتي وكربة اهلي وان الله يرزقني بالزوج الصالح والذريه الصالحه والحموله الصالحه الطيبه والمسلمين اجمعين امين امين امين

up

الله يفرج كربتك وكربة اهلك وان الله يرزقك بالزوج الصالح والذريه الصالحه والحموله الصالحه الطيبه والمسلمين اجمعين امين امين امين