سؤال عن الكنافةالكذابة
بغيت اعرف خبزالتوست نحمصه ونطحنه ولايكون طرى وياليت الطريقةالمضبوطة ومشكورين
5
723
يلزم عليك تسجيل الدخول أولًا لكتابة تعليق.
الصفحة الأخيرة
التوست يكون طري ثم تطحنيه
هذه حبيبتي طريقة أختنا الغالية أم عزيزان كما كتبتها
الطريقه جدا سهله
تاخذين كيس واحد توست وتنزعين عنه اطرافه
وتبدين تفتتييين فيه لما يصير عندج فتات صغير جدا
تاخذين ثلاث ارباع قالب زبده صغير 113غ وتذوبينه وتحطينه على التوست وتبدين تفركين فيهم لما التوست يبدي يتشرب الزبده كلها
بعدها صفي نص مقدار التوست مع الضغط عليه في القالب وحطي الحشوه ( 2 علبة قشطه مع كيس جبن موزريلا... واللي تحب طعم الجبن اكثر تحط قشطه وحده بس )
وبعد الحشوه تحطين باقي التوست وتفرشينه اشوي اشوي مع الضغط القليل على الحشوه
دخليها الفرن حتى تتحمر من فوق وتحت وتاخذ تقريبا ثلث ساعه
وعلى طول من اطلعينها من الفرن اسقيها بالشيره وزينيها بالفستق ... انا وقتها ماكان عندي حطيت شرايح اللوز عليها
وعليكم بالعافيه
يا بنات عندي ملاحظه
انا جربت اذوب الجبن يعني اطلعه عن الفريزر واخلطه بالقشطه بس هذى الطريقه تخلي فرش الحشوه اشوي صعب لان الجبن يكون طري وذايب
بس المره الثانيه جربت اني اطلع الجبن على طول من الفريزر وهو مجمد وطبعا متفكك عن بعض ومبشور اخلطه مع القشطه راح يعطيني سهوله بفرش الحشوه على الكنافه او التوست