(انا هنا ما انصحك بشيء! انا بس اتكلم عن نفسي.)

انا شمالية بين الشرقية والغربية... كنت بالاول شرقية مرة, بس بدأت اتغير وصرت بين الاثنين

انا احب الشخصية الشمالية, يعجبني الي له هيبة ,, ماحب الشخص الي يتلزق ويغث واذا مالقى عاطفة مني يدور برا عند البنات, ابي شخص اعتمد عليه, شخص عنده طموح يفكر للمستقبل... مابي اقعد اسحب فيه وراي ماله شخصية ولا هيبة .. ولا ابي شخص ماعنده بعد نظر للمستقبل... ولا ابي شخص بيتوتي, ابي شخص يبعد وقت ما احتاج انه يبعد...
زوجي شمالي غربي, متفقين جدا وعندنا شغلات كثيرة مشتركه... واثنينا قضينا فترة طويلة من اعمارنا برا, يعني طريقة تفكيرنا مو شرقية

المهم ان شخصيتكم اثنينكم تكون ناضجة, لان طبيعي اثنينكم تحاولون تسيطرون على بعض , فـ الموضوع بيكون فيه شوية حزازيه من موضوع حب التملك الي عند الاثنين... انت لك مساحتك وانا لي مساحتي والاحترام سيد الموقف
ممكن اخرة زواج الشمالي بالشمالية طلاق مزري اذا الاثنين مبزرة ولا يعرفون معنى الشراكة الاسرية...

انا شمالية شرقية


بصراحة الجنوبي الغربي هو الي يناسب المرأة الشمالية ويتحمل مزاجها المتقلب وعصبيتها وحرارتها


وتتعلم منه الروقان وهو يتعلم منها الجدية


يعني ممكن الشخص الشمالي يعجبها بشخصيته الجادة مثلها لكن يتصادمون كثير


لانهم كلهم حارين ...فرق بين كونه يعجب المراة ويملى عينها وبين كونه يناسبها


اتمنى اكون افدتك

انا شماليه شرقيه

وزوجي نفس الشي

صراحه اول زواجنا الله لايوريك حرب داحس والغبراء حتى لما نتذكر هالايام نضحك نقول ماكاننا عرسان

لكن مع العشره والاطفال والتفاهم الحمد لله مشيت حياتنا احسن مما يكون

كنا كل واحد يبغى رايه يمشي وكل واحد يعصب عالثاني
وكل واتحد يمد بوزه شبرين لازعل
واعصابنا الاثنين ناار

لكن الحين الحمدلله ربي هدانا وتفاهمنا





المهم الشماليه الشرقيه اللي ماتتحمل كثير مرره مايصلح لها الشمالي الشرقي
لكن اذا كانت مثلي صبوره وتحب زوجها تحاول انها تتغير وتغيره ويوصللون لنقطة تفاهم مع بعض

أشكر كل اللي رفعوا الموضوع..
وأشكر ليال الفجر وهاي نت وأم بتال على مشاركاتهم القيمة..

أنا زوجي السابق كان جنوبي، وبالنسبة لي كشرقية شمالية الحياة مع الجنوبي لا تطاق.. صفاته بالنسبة لي قاتلة.. الكسل والخمول والاتكالية على صعيد الحياة الشخصية والعملية والمجتمعية..
وانعدام الطموح وغياب السعي الجاد لتحقيق هدف أو تغيير وانخفاض مستوى التفكير رغم إنه مثقف، وعدم مراعاة الدقة سواء في مواعيد أو نظام الحياة، والتفكير العام العايم، وغيرها من الصفات خلتني أشوف إن شخصية الجنوبي ما تنفع مع الشرقيين والشماليين أبدا.. رغم إن التفاهم في الأخير ما مستحيل لكن مع ضغط النفس والإجبار.

بالنسبة لكلامكم عن التصادم مع الشخصية المشابهة.. فأنا عندي المقدرة على الامتصاص.. وقدرت أقلص عندي سلبيات الشماليين المتعلقة بالعصبية والعناد.. يعني ممكن أسايس.. ومن السهل أخفي غضبي.. المهم عندي إنه يكون مقنع لي في شخصيته ونمط حياته وألقى عنده أشياء أحترمها وأقدرها..


السؤال المهم/ إذا تقدم لك واحد ما تعرفي عنه أمور كثيرة تعطيك مؤشر لنمط شخصيته... إيش الأسئلة العامة اللي توجهيها له أو للناس اللي يعرفوه تقدري تاخذي منها تصور عام محتمل عن شخصيته؟
أخاف أتورط مع جنوبي مرة ثانية.

اب لعنونك