سؤال عن تعتيق الخشب للمبدعات

السلام عليكم يا مبدعات المنتدى
لدي استفسارين بسيطين وهو
1- عندي ايطار للجدار خشب غير مدهون قمت بدهنه بلون ابيض اساس ثم بني غامق وابيه معتق بالذهبي ثم بالأخضر ثم بالأبيض ( طلب تعجيزي - بس شفته بمنتدى روعه بس ماقالوا وش نوع المواد المستخدمة )ثم اثبته بالجدار
سؤالي مانوع الدهان لذهبي التي استخدمه بالتعتيق وكيف ادهنه وهل ينفع فوق البني والا لازم ادهن فوقه بني مرة ثانية وامسحه عشان يبان الذهبي خفيف يعني باختصار ابي طريقة واضحة للشغل وقريت ان فيه بودرة تعتيق باتينه تعطي لون ابيض للشي كنه قديم من وين اجيبها وكيف استخدمها ؟؟ وهل يحتاج معالجة بعد الدهان عشان ما يتآكل الخشب واذا كان الجواب نعم ما نوع مادة المعالجة ومن وين اجيبها وافضل بالاسماء التجارية عشان لا اتوه انتم عارفين ما شاء الله اسواقنا غنية بانواع كثيره .
2- عندي طاولات خدمة بني غامق ابغى اسوي ديكوباج عليها اسهل من الرسم عشان اغير شكلها سؤالي وش استخدم الوان تتحمل الحرارة والاستخدام وهل يمكن اني احط عليها المادة اللي تعطيها طبقة لمعه سميكة كنها ورنيش بس انها تصب صب مو تدهن تعتبر كأنك حاطة كذا طبقة ورنيش ( نسيت وش اسمها ) واذا الجواب نعم هل هذه المادة تتحمل حرارة فناجيل الشاي ومن وين اجيبها .
اشكركم مقدما على الرد علي بس لا تتأخرون عشان الاجازة جت ولا راح اسافر يعني ودي اشغل نفسي بهالعطلة .
قريت مووضع للأخت ROMEE بالصور بس ماطلعت عندي ولا صورة عشان كذا مافهمت شي نسيت وش اسم الموضوع حتى دورته بالمنتدى ولا لقيته :44: