سؤال عن توقيع إحدى العضوات

والله تمنيت اساعدك بس والله ما اعرفه ان شاء الله تلقين احد يساعدك

مامر علي التوقيع الي تقصدينه
بس أكو قصيدة مشهورة عن المتان قالها الشاعر الكويتي حمد السعيد
يمكن هذي اللي تدورين عليها؟

للزين قالوا من قديم علامات .... عين ومبسم والجسم والرشاقة
لكن كسر هالقاعدة هالمتينات .... من واقع ما هو كلام وبلاغة
واللي محليهم ولا هن ثقيلان .... دايم خفاف الدم وفيهن لباقة
الله يا هن يا جماعة لطيفات .... على الكلام الحلو فيهم طلاقة
ماهو ضروري بالرشاقة رشيقات .... وزود الوزن ما هو يعني إعاقة
صحيح بعض اللبس يعني اهانات ... الوزن بالضيق ماله علاقة
بس مو ضروري يلبسن استرجات .... يا زينهن واللبس واسع نطاقه
لا بارك الله فيك يا الضيق بالذات .... ترا السعة بالذات تعطي أناقة
قالوا الرجيم اليوم هم البنات .... قلت الرجيم أدري يبغيله فراغة
قالوا الرياضة قلت ما هن مريضات ... للسكري لا ما معاهن بطاقه
قابلهن الله بلا رجيم ورياضات .... بهديهن مني من الورد بطاقه
هن دفء المجتمع هالرقيقات .... هن ملح هن سكر لذيذ مذاقه
هلا سألتوني عن الحب بسكات .... بقول هن فيهن من الحب طاقه
ماهو كلام اللي كتبته ولا إشاعات .... أنا ربطتني بمتينة علاقة

كويتيه ــ قول ــ وــ فعل
ألف ألف ألف ألف شكر صراحه ما أدري وش أقولك هذي هي الأبيات اللي أبياها
جزاك الله خير على ردك