سؤال عن رضعه التمر للرضع؟؟؟

هلا اختي ..
في ولدي بديت معاه يوم كان له شهرين ... وحتى بنتي بديت معاها يوم كملت شهرين وهي الحين 4 شهور ... انا مشيت على كلام امهاتنا وجداتنا وجدا مفيد ومغذي .. اعطيها مره وحده كل يوم بعد ماتاخذ رضعتها بساعة

والطريقة :
اخذ حبتين تمر واطلع منهم النوى
اصب عليهم ماي حار بمقدار زجاجة الرضعه انا اسوي رقمين .. يعني الرضاعه الصغيره
واخلطهم مع الماي لين مايذوب
وبعدها احطه على النار شوي عشان يغلي
وبعد الغليان استخدم المشخاله الصغيره عشان بقايا التمر ماتنزل في الرضاعه
وبعدها احطه بالرضاعه وابرده شوي يعني يكون دافي لاحار ولا بارد واعطيه بنتي

ختى فى الله لحظة وفا
جزاكى الله خير على اهتمامك وردك السريع

انا انقعه في مويه مغليه بعدين اضربه في الخلاط كذا طريقه الدكتوره بس للاسف عطيتها متاخروماتقبلت يعني اعطيها بعد4الشهور

عمري ما سويته لاطفالى لانى مرة قريت في كتاب صادر من مكتب التثقيف الصحى ان الطفل ينعطى البلح في نهاية الثامن

اعطاء البلح للأطفال بعد الولاده هذا سنه عن رسولنا الكريم صلى الله عليه و سلم. و كان الشي هذا يسمى التحنيك.

وانا اعطي اعيالي البلح بعد ما ارجع البيت من المستشفى, يعني تكون اعمارهم بحدود اسبوع تقريبا, و الطريقه هي::
تاخذي البلح و تغسليه, و شيلي منه النواه, و حطي معاه مقدار من الماء كوب تقريبا مع 3 او 4 حبات بلح. و حطيهم على النار لين يغلي. و هو على النار حاولي تهرسي البلح في الماء
بعد ما يغلي تصفيه بالصفايه, و تملئي الرضعه مقدار رقمين مو اكثر لأنه ممكن يسبب اسهال الزياده منه.
و الزياده حطيهم في كوب و غطيه بالنايلون للمره اللي بعدها و خليه في الثلاجه عادي. و لما تحبي تعطيه مره ثانيه سخنيه شويه
و بالعافيه