سؤال عن طبيب اطفال للعظام بالرياض

هلا بأختي
فيه في مستشفى الملك خالد د/ مامون قرملي استشاري عظام وفيه د/ باكرمان ود/الزمزمي والزهراني كلهم في خالد الجامعي
ومستشفى دله عندك د/مأمون قرملي يداوم في دله مسائي لكن ماادري هو موجودالآن أو لا..

مشكوره اختي
لكن انا ابغى خاص تعرفين مواعيد الحكومي وحالتي مرررره مستعجله وياليت غير اللي في الحبيب لانه مااستقبل الحاله يقول ليش ما جبتوه ليه من الاول كأننا نعرف الغيب وياليت لو يكون سعودي

ومستشفى دله عندك د/مأمون قرملي يداوم في دله مسائي لكن ماادري هو موجودالآن أو لا..
هل هو سعودي
واحد في دله عنده اجازه لكن مدري هو والا لا

فيه بالحمادي عدنان الزهراني انا راجعت عنده ببنتي من زمان تقريبا من اربع سنوات وكان وفتها يداوم مسائي الاحد والثلاثاء بس ما ادري اذا موجود معهم الى الان اتصلي وشوفي وترى عنده ضغط يعني اذا اتصلتي تحجزين ولا لقيتي قولي ابي انتظار بس خليه يتسجل عندهم اسمك وتعالي من الساعه 4 وتدخلين بسرعه

الزهراني بالحمادي بس ترى مو كل يوم يداوم عندهم