سؤال عن طريقة المشلتت

بعطيكِ طريقة المشلتت بس ما أعرف إذا هو اللي تقصدينه
الطريقة:
بصي بقى الفطير هنا مالوش مقادير محددة لكن كيلو الدقيق بيعمل فطيرتين من الحجم الكبير أو 4 فطيرات من الحجم الصغير.
تجيبي دقيق زي ما تحبي و تحطيه في طبق العجين و ترشي عليه ذرة ملح و بعدين تضيفي الماء شوية شوية وتعجني كويس لحد ما تتكون عندك عجينة متماسكة قطعيها على عدد الفطير اللي هاتعمليه و غطيها و سيبيها حوالي ساعة .
حطي كمية من الزبدة على النار لحد ما تتفكك و ادهني طاولة كبيرة بالزبدة و افردي العجين بالنشابة و بعدين شدي العجين من الأطراف شوية شوية عشان تفرديه و حاولي انه ما يتقطعش لحد ما تتفرد العجينة و تبقى رقيقة جدا جدا و بعدين ادهني العجينة كويس بالزبدة و اثنيها من الأطراف بحيث تبقى أطرافها متقابلة و بعدين ادهنيها بالزبدة تاني و كرري نفس الخطوات السابقة لحد ما تبقى العجينة شبه دائرة قطرها حوالي من 10 الى 15 سم و بعدين ادهني الصينية بالزبدة و حطي فيها العجينة و افرديها في الصينية و حطي على وشها قطع صغيرة من الزبدة و دخليها فرن ساخن لحد ما تستوي و يتحمر وشها و قدميها مع عسل النحل و القشطة أو الجبنة أو زي ما تحبي و بالهنا و الشفا
ملحوظة هامة جدا:
السر في ان الفطير يطلع حلو انك تفرديه كويس أوي أوي على أد ما تقدري خاصة الأطراف و انك تدهنيه كويس بالزبدة و كل ما تحطي زبدة أكثر كل ما يطلع الفطير أحلى.

منقوووووووووووووووووول من بنت النيلولا تنسينا من دعواااتك (بالذرية الصالحة)

مشكوووووووره ياسيفوره حبيبتي وان شاء الـلـه راح أدعيلج بصلاتي والـلـه بالذريه الصالحه والتوفيق بالدنيا والآخـره :26:

الـلـهم آميييييييين


وناااطـره وصفات مشلتت ثانيه عشان انجرب أحسن وحـده .... :24: :32: