انا ناوييه اسويهااا بس بطلب من كل الى سوووهااا يكملون معروفهم ويقولون لنااا وين سووهااا وبكم لالانى الميزانيه عندى ماتسمح واناا ما ابغا انتظر فى الحكومى ونفس الوقت ابغى دكتور شاطرر تكفون كل الى سووهاا يقلون كم التكاليف وعند من وهل يدبس ويخيطها ولالا بس تدبيس

اللي اعرفهم عملوها عند الدكتور عبدالرحمن سالم بالتخصصي الطبي بالرياض
كلفتهم 37 ألف شاملة كل شي
الادوية والاقامة بالمستشفى 4 ايام

يدبس ويخيط >>> يفتح مشغل هههه
بس والله يمدحونه مرة
تعامله هو وسكرتيرته مرة حلوو
بالتوفيق

جزاكم الله خير
شكلي خلاص عزمت 
بس المشكلة امي وابوي رافضين وشلون أقنعهم 
زوجي الحمد لله الله يجزاه خير وافق أخيرا وخصوصا يوم وريته الردود بس امي وابوي يقولون بتموتين وانا ما اقدر اسويها إلا برضاهم
دلوني على احسن طريق
ما قصرتوا 

انا سويت تحوير عند التمياط

ما تحسفت ولا ثانيه ولو عاد فيني الزمن كان سويتها بعمر ابكر
كنت غبيه اني انتظر كل هالمده عشان اسويها بسبب التردد


التكميم ما حبيته بسبب توسع المعده بعد سنتين

التحوير اضمن بكثير بالنسبه لي ((محبين الوجبات الضخمه))

نزلت خلال خمس شهور 22 كيلو ولله الحمد وتحولت من 98.5 الى 76.5

الحمدلله صرت البس مقاس 14


انتي ما اعرف ليش تسألين اصلا المفروض تستخيرين ربك اللي ادرى بك
و تجزمين عقبها و تتوكلين عليه

و لا تسترخصين بالدكتور ترى بهالموضوع بالذذذذذذذذذذذذذات كل رخيص مخيييييييييييييييييييييييس

نصيحه روحي للافضل

بالشرقيه توجهي للتمياط

بالرياض عبدالرحمن سالم

هذول القمه

سويها نصيحه وتوكلي على الله ياكثر الي كانوا احجام فوق الوصف والحين ماشا الله عصاقل وكلهم عمليات


قولي لامك وابوك ان العمليه مضمونه وكثير سووها ماصار لهم شي وياختي اولهم هالممثلات شوفي وش صار وماشا الله يتمتعون بصحه وعافيه ومناقز من مكان لمكان