سؤال عن عملية ربط عنق الرحــم ؟؟

حبيبتي لاتخافين.. ولاتحاتين.. :) انا هذي المره الثالثه اسويها ..
واعرف كثيريسونها ..وسببها؟؟اني أجهضت مرتين على بداية الشهر الخامس

وبعدها ..قرروا لي عملية الربط في كل حمل لان عضلات عنق الرحم لاتتحمل
الطفل اكثر من اربع شهور ..يعني اذا بدأ يكبر.. ووزنه يزيد ..

والجماع على كلام الدكتوره بالراحه وممكن كل اسبوعين مره ..

والعمليه بنج كامل ..وانا في غرفة العمليات هم يعطوني ابرة البنج وانا اطالع
الساعه قدامي وادعي كانت 12 وثلث وماحسيت الاوهم ينادوني باسمي( )
والساعه اشوفها 1 وعشر ...

بعد العمليه ينزل عليك دم شوي ولمدة يوم او يومين ويروح ...انا دخلت المستشفى
الساعه 9 الصباح والعمليه بنفس اليوم وطلعت من بكره العصر ..
والربط يفكونه في بداية الشهر التاسع بس بدون بنج :( اتمنى اختي اني افتدك
الله يثبت حملك ويقومنا بالسلامه وجميع الحوامل يارب :)

الدكتورة أمينة مختار الله يجزاك خير على الرد ويجعله في موازين حسناتك

عيوني ألجوري كلامك مطمن بعض الشي لكني الى الان متردده
بصراحه انا مستحيل اسوي حاجه عارفه انه راح يكون فيها الم
بعدين شلون اجازف بعمري يصير لي التهابات ويقررون ربط في كل حمل
ووشلون بتحمل الالم اذا جو يفكونها بالتاسع يوووووووه صعبه بالمره
عموما الله يجزاك خير وييسر امرك وينولك اللي ببالك دايما

غريبه وين البنات معقوله مافيه غير الجوري مجربه هالعمليه ؟؟؟؟

أختي الجوري وبعد العملية إلى التاسع راحة تامة ولا عادي تروحين الدوام وتتسوقين أم تنسدحين لحين الولادة لاني بسويها ان شاء الله وأنا عايشة بغربة ومامعي أحد يخدمني

شوفي حبيبتي انه حصل معي ولادة مبكرة بالاسبوع 23 من حملي ورجح الدكتور سبب الولادة الى ان هناك قصر بعنق الرحم
وقالي اخذي راحه 3 شهور وبعدين حملي
واخذت راحه شهر وحملت والحمد لله الي الان لم اواجه اي مشاكل
المهم الدكتور كتب لي مثبت دايفستون 3 مرات يوميا وحبه فوليك اسد
وقالي مارسي حياتج طبيعي
سوقي سياره وتابعي دراستج وحتي الجماع قالي عادي
وانه الحمدلله تاريخ حملي السابق لم تواجهني اي مشكله الا في الاسبوع 23 مع الولادة المبكره
المهم الان انه في بدايه الثالث -في الاسبوع 12بسوي عمليه الربط لعنق الرحم
بس خاايفه
التهابات وبلاوي ودم مافيني شده
بس انه محتاره في شغله وحده انه ليش هالدكتور ما قالي ارتاحي ولاتتحركين وهالامور
لان كل الي ايسوون لهم ربط جذي
بس انه قالي مارسي حياتج طبيعي
الي امصبرني عليه انه دكتور فووق الممتاز والعيادة 24 ساعه فل لدرجه ادخل العياده 6 ما اطلع منها قبل 9
الله ايثبت حملنا ويغر عيننا بذريتنا
لاني بصراحه مشتاقه اضم ضناي
وانشا الله اكون افدتج اختي
وتمنى تجاوب الاخوات مع الموضوع لان وبصراحه جدا مطمأن لمثل الي في حالتنا

حبيبتي ...غنوة الحب... اشكرك على الدعوات الحلوه :39:

حبيبتي هذا الالم تقدرين تتحملينه ..يعني زي الم الدوره تقريبا ...أجل ياغنوه ..
اذا جربتي الم الطلق و الولاده وشو بتقولين؟؟؟ :D يمكن هذا اول حمل لك صح ؟؟
والالتهابات مو كل وحده تسوي الربط تجيها التهابات ..انا سويت العمليه في الشهر

الثالث.. والحين الحمدلله باقي لي كم يوم وادخل السابع ..وانا الحمدلله محافظه على
نفسي يعني اتوضا بمويه دافيه ..وامسح بالمناديل ..لان اذا صار بقايا ماء الوضوء
على الصروال والمنطقه (.....) مكتومه تسبب تزايد الفطريات وينتج عنها الالتهابات

ولما يفكون الربط :D الحمدلله يعني قرب الفرج ..لازم تتحملين شوي :( عشان
الحبيب المنتضرينه انتي وابوه :) والله ياغنوه ياحلوه :27: عن تجربه لما تشوفين
النونو :icon28: وتحضنينه وترضعينه من صدرك راح تنسين كل اللي صار لك..
والمؤمن مبتلى ..ولابد من الصبر عشان نوصل للي نبيه ..الله يتمم عليك يارب .....