سؤال عن غرفة الملابس؟

سعــ أم ــــود :

إيه والله سؤالك جاء على الجرح أنا الحين أبني ولسع في بداية مرحلة التشطيب لكنني طول الوقت أفكر بحل لمشكلة هالشنط؟؟؟!!! لحد الآن مالقيت حل ناسبني لكنني بقول لك على بعض الحلول والإقتراحات اللي يمكن توحي لك أو لأحد البنات بحل يناسبنا <<< هههههه على بالها تسوي عصف ذهني الفكرة رقم ( 1 ) وهي الفكرة اللي شفتها منفذة بالمواقع الأجنبية: أدراج مقسمة بالطول بنفس الرف يعني مثل التقسيمات اللي تستخدم للملابس الدخلية والشراريب لكن مو درج ينسحب لأ بالدولاب بحيث تفتحين باب الدولاب تشوفين الشنط كلها قدامك بهالأقسام مشكلة الفكرة : إن الشنط مو كلها نفس المقاس فبعضها بتكون أكبر من هالدرج وبعضها بتكون أصغر بكثير مثل شنط السهرة فتكون المساحة ضايعة الفكرة ( 2 ) تشبه الفكرة (1) لكنها محطوطة بأدراج تنسحب سحب يعني تقسيمات مثل التقسيمات اللي تنباع في إيكيا وساكو حق الشراريب والملابس الداخلية ولكن بمقاسات أكبر عشان الشنط مشكلة الفكرة : نفس مشكلة الفكرة ( 1 ) من إن مقاسات الشنط مختلفة لكن بالإضافة لذلك إن الشنط مو معروضة قدامك يعني لازم أفتحهم درج درجعشان أشوف وش عندي والمشطلة الأكبر لو كانت الشنطة كبيرة ممكن تتحكك بالدرج ؟؟؟ الفكرة رقم( 3 ): الرفوف تكون قريبة من بعضها ومركب عليها حديدة حقت التعليق العادية لكن العلاقات تكون مثل علاقات الأحزمة والكرافتات بحيث تتعلق الشنط من يدها مشكلة الفكرة :الطريقة هذي أحس إنها تعدم يد الشنطة ؟ كمان مو كل الشنط لها يد تتعلق فيها وكمان كون بعض الشنط يدها قصيرة والبعض يدها طويلة ولإختلاف أحجام الشنط نفسها أحس المنظر النهائي بيكون مو مرتب نهاااااائي الفكرة رقم( 4 ) : هي تحسين للفكرة ( 3 ) بدل ما يتم تعليق الشنط من يدها تنحط الشنطة بنفس الكيس القماش اللي يجي معاها ( هذا بالنسبة للشنط الماراكات ) وبالنسبة للشنط الباقية يتفصل لها أكياس مثل اللي تفصل للعبايات مشكلة الفكرة : هنا حلينا مشكلة يد الشنطة إنها لا تخرب وحلينا مشكلة الشنط اللي مالها يد أصلاً لكن برضه أحس المنظر النهائي بيكون مش مرتب؟؟ هاه يابنات مين عندها أفكار أحسن ؟؟؟ ولا على الأقل حل لأي مشكلة من مشاكل أفكاري ؟؟

إيه والله سؤالك جاء على الجرح أنا الحين أبني ولسع في بداية مرحلة التشطيب لكنني طول الوقت أفكر بحل...