سؤال عن كريمه الخفق مع المكرونه ؟

لاحبيبتي كل كريمات الخفق عادي تصلح للمكرونات وللصواني وللحلويات بعد

انا بالعاده اسخنها على النار لين تثقل شوي بعدين احطها على الأكله اللي بسويها

وعلى فكره كريمة الخفق تقدرين تستغنين عنها بأنك تحطين قشطه وشوي حليب سايل والله نفس الشي ..

وانا مودعتها من زماااااااااااااان وصرت مااستخدم إلا القشطه..لانها نفسها بس سايله ...:)

بنات كيف استفيد من قشطة الخفق عندي بالثلاجه ومادري لايش تستعمل؟


الله يجزاكم خير

الف شكر للاخت فله واخوها عله
ولي الله



انا سويتها قبل مره وطلعت ثقيله شوي بس المره الثانيه خفيفه مرررررررررررره مدري اتوقع انها هي نفسها متغيرة
اول اذا طبختها على طول تثقل



انا ماستخدمها الا للمكرونه بس

بس اشوف على العلبه حلى و كوب قهوه

بس مااعرف كيف ؟؟

حبيبتي لي الله..ممكن تستخدمينها مع المكرونات او المصقعه او مع شوربة الكريمه بالفطر.. او الحلويات

بس بقولك على طريقه مرررره حلوه وسريعه ولذيذه:)

جيبي بطاطس وقشريه وقطعيه دوائر لاهي سميكه مره ولا هي ضعيفه يعني وسط (البطاطس بالكميه اللي تبين)

وصفيها بصحن البايركس ..

جيبي قدر وحطي فيه قشطة الخفق وقشطه عاديه وعلبة مشروم ومكعبين ماجي وحركيهم شوي لين يثقل يعني خمس دقايق او اكثر شوي

ثم صبيه على البطاطس وفيه ناس تحط مع البطاطس صدور دجاج مسلوقه وانتي عاد بكيفك ..

المهم حطي عليه قصدير وغلفيه زين ودخليه للفرن بدرجة حراره متوسطه وبعد ساعه إلا ربع شيكي عليه ..

اغرسي السكين بالبطاطس بتلاقينها استوت نص استواء وشيلي القصدير وخليها بالفرن تقريبا لين تبدأ الخلطه تنشف شوي
وبعدين سكري الفرن وشغلي اللي فوق وخليها لين تشقر شوي وبس بالعافيه على قلبك :)

والله لذيذه مره وتحسين طعم البطاطس كأنه مقلي..بس تراها دسمه مره وتعطش لاتكثرين منها..عشان ماتسمنين

وأي سؤال انا حاظره ..

up :p