فعلا باسمة وحده من صاحباتي ولدت عندها وما تمدحها
بس الدكتورات التانيين كويسين
تخيلي وهي بتولد قعدت تحطمها وتقولها انت هيك راح تموتي البنت ادفعي أحسن من كدا
الى ما تحطمت وتقول صرت ادفع وهي تحطمني في النهاية خلاص ما قدرت واضطرو يسحبو البنت بالجفت

عزيزتي عاشقة الورود.....
لا تخافي إن شاء الله ربي بييسر لنا وكله أجر إن شاء الله
بس أنا كانت تجربتي في الولاده في المتحدون تعيسه أثناء وبعد الولاده لأنها كانت في الولاده مؤلمه متعبه ومميييييييييته بشكل ماشفته في ولادتي السابقه لها .وكانت الدكتوره باسمه جزاره شوي قصدي جزاره كثيير يعني كانت تتعامل معاي على إنه ماعندي إحساس .
أما مابعد الولاده فكانت رعايتها الطبيه معاي بعد الولاده موقد كيذا يعني ما وصفت الأدويه اللي المفروض آخذها بعد اولاده مباشره ولمدة أسبوع تقريبا((مضاد)) عشان الخياطه ما تلتهب مما أدى إلى إلتهاب الخياطه عندي بشكل الله لا يوريك يعني مرت على أيام ماأقدر أجلس ولا أوقف ولا أنام ولا أدري أيش أسوي في عمري ماغير مسكنات إلين ما راجعت دكتوره ثانيه ووصفتلي الأدويه المناسبه اللي بفضل الله ثم فضلها قدرت أتخلص من المشكله بعد حوالي 20 يوم من المعاناه المره.
وبس يا ستي لكن المره هذي أنا كل مره أسأل فيها اللي حواليه يقولوا المتحدون وبس فأقول يمكن لوغيرت الدكتوره تتغير نظرتي للمستشفى وبعدين فين البديل فقيه يقولوا كل ماله في النازل...
على فكره إحنا ناسين مستشفى بخش وعرفان ترى لهم زباينهم اللي ما يفكروا يغيروا عنهم أبدا ياريت لو في وحده من الأخوات لها تجربه معاهم تقولنا رأيها والله يجزي الجميع الخير

يوووه آمال
!!!

كنت بأولد عندها لكن لا وألف لا

ماتعطيك فرصة حتى تسئلي

تصدقوا المرة اللي فاتت بس تتكلم بالتلفون
وهذي المرة تكلم ممرضتها وين كنت تشتغلي قبل هنا

لدرجة أنها نسيت تحط الجل قبل ماتشوف بالسونار
حتى التحاليل نسيت أسئلها عنها ماتعطي فرصة أبداً
قلت لها أحس بألم لفت وشها بسرعة وكأنها أنتبهت أنه فيه مريضة ؟؟؟
لاوتقول معليش على الألم ؟؟؟
وكل همها أولد بسرعه وبس مع انها قالت لي تولدي نهاية الشهر


حتى زوجي إندهش منها ومن أسلوبها

شكلي بغير بروح لبسنت طالما البنات مدحوها

اختي مين قال فقيه بالنازل بالعكس خدماتهم تحسنت وايد انا ولدت قبل 3 سنوات ومشاء الله روعة الولادة عندهم وغرف الولادة تشع من النظافة والممرضات حبوبات ويتعاطفون معاكي

وقبل اسبوعين رحت اسوي تخطيط للبيبي ودخلوني غرفة الولادة قامو الممرضات يرحون ويجون وتبغي شي مدام وانا جلست ادلع عليهم وغير حاطين موسيقى slow عشان تهدي الاعصاب

الصراحة فقيه احس انها احسن من المتحدون انا شفت بنت خالتي بالمتحدون كانت ولادتها متعبة لدرجة مسكينة صار عندها انفجار بالاوعية الدموية بعيونها من كثر التعب اللي صار فيها

يمه والله العظيم خرعتوني ياربي اجل اولد في البيت ؟؟؟؟؟؟؟؟؟؟؟ انا اصوت لفقية لأني جربت الولاده فيه وكانت من دون الم حتى
طاقم التمريض جدا ممتاز ودكتورتي ممتازة جدا والخياطة ماحسيت فيها وخدمة فندقية
حتى الحمام وانتوا بكرامة ماتدخلين لوحدك
ونفس السعر هو والمتحدون