ليان الغساله لاتفوتك انا سميتها شغالتي الحبيبة:42:
واحسن من الشغالة لانها مستحيل تزعل من الكرف.

وطريقتها انك ترصين فيها المواعين كل شي بمكانه وتحطين الصابون وتشغلينها
وبعد نص ساعه افتحيها تلاقينها نظيفة وناشفه لا وبعد( معقمة)لانها تغسل بماء حار.
اهم شي انك تشيلين بواقي الاكل من الصحون بمناديل.

وبالنسبه للاكل اذا كان لاصق ؟؟له زر معين عشان التنظيف الشديد بس يطووووول بالغسل
انا استخدمته مره وحده عشان القدر كان لاصق فيه الطبخ..صحيح نظف القدر بس جلسة الغسالة تشتغل ساعتين الا ثلث؟؟؟((بس اذا اللي لاصق اكل زي الرز مااحطه لاني اخاف يخربها))
عشان كذا صرت اذا بالقدر لاصق شي احط مويه وخليه على النار خمس او عشر دقايق واكب الماء وادخل القدر الغساله.

انا دايما اغسل على الزر اللي يخلصلي المواعين بنص ساعه وتطلعلي نظيفه وناشفه حتى مواعين التونه والبيض نظيفه ومالهم ريحه في الصحون.

ومهب لازم المواعين تكون كثيره عشان تغسلهم
( في غسالتي زر اضغطه اذا المواعين قليله ويغسلهم)
بشرط اخلي المواعين كلها بالشبك اللي فوق , اما الشبك اللي تحت فاضي .

وانا اغسل دايما مرتين باليوم
بعد الغداء,, وبعد العشاء
مواعين الفطور دايما قليله مره ومافيها زفر وريحه عشان كذا ادخلها الغساله بدون غسل بس مسح بالمناديل واغسلها مع مواعين الغداء.
ومواعين العصريه والمغرب من شاهي وقهوه وعصير اغسلهم مع مواعين العشاء.

واسعارها تتفاوت انا سألت عن/
ويرلبول (امريكي) بـــ2500
وارستون (ايطالي) بــ1850

واللي يقولون ماتنظف يكون السبب:
ــ الغساله او الصابون نوعيتهم رديئه.
ــ او ترتيب المواعين بطريقه غلط.

وبرضوا قالولي ماتغسل القدور
والصحيح انها تغسل كل شي حتى القدور
بس اللي تخربه في الغسل:
ــ المواعين المذهبه لان لونها يروح..والحمد الله ماعندي ولوعندي كان استغنيت عنها :22:
ــ والمواعين المعدن تخربها مع الوقت وهذي سهله نستبدل المواعين المعدن بمواعين ستيل اوتيفال..
اهم شي مااغسل بيدي:3_13_12:

بصراحه تبين الراحه اشتريها ماتشيلين هم الطبخ وتصيرين تنوعين السفره :22:

وللمعلوميه الغسالات فيه انواع بمروحة ,,وانواع بمروحتين
والافضل اللي بمروحتين لان تنظيفها يكون افضل.

انت انتبهي اهم شي صناعتها والمميزات اللي في الغساله مثل:
ــ تكون بمروحتين.
ــ وتغسل بالحار وتنشف بنص ساعه..لان بعضها يغسل عادي بنص ساعه اما اذا تبين الخيار اللي
يسخن الماء وينشف تزيد المده.
ــ ويكون فيها خيار (نصف حموله) عشان تغسلين المواعين اذا قليله.

وسوي بحث بالمندى وبقوقل وشوفي تجارب البنات وبعدين استخيري واشتري اللي تقتنعين فيه.


ان شاء الله تكونين استفدتي من قرقي:42:

العفو حبيبتي ...
يعني حطيتي الصابون مكان الملمع:09:
اتوقع هذا سبب مشاكلك مع الغسالة...
لو ماتعدلت لازم تجبين الصيانه من نفس الشركه ,,لاتجيبين اي واحد انتبهي ممكن يخربها عليك.

لاتنسين طمنينا على صحة الغسالة:42:

اختى كرفاسه
معليش زودت الاسئله حبتين
الحين : المكان المخصص للملمع زى اللى حطيتى صورته يكون مسكر بغطا اسود وفيه سهم مرقم من 1 الى 6
اعرف انه مكان الملمع وان السهم تغيريه حسب الدرجة المطلوبه للتلميع
بس هل اقدر افتح الغطاء الاسود والا اصب الملمع فيه دايركت وشلون اشوووفه بسرعة يمتلى واذا حركت السهم دورته يدخل داخل
ما ادرى بصراحة
سؤال ثانى من وين شريتى الملمع ؟
يااااااااااااااارب تكونى من الكويت وتدلينى عليه ؟؟
لان اللى عندنا بالسوبر ماركت والجمعيات بس الابيض اللى حاطه صورته والمكعبات والملح بس من ماركة فينيش
عجزت وانا ادور عليه ؟

شوفي انا غسالتي مافيها شي اسود نهائي ,اللي شفتي صورته (مكان الملمع)لونه ابيض زي منتي شايفه بالصوره ,افتحه وأصب الملمع بالفتحه ايلين يمتلي ,,واذا صبيت وبدأ الملمع يبان اوقف عشان مايطلع برا المكان ,,واقفل الفتحه واوزنها على 4 وخلاص.

بس انتي شوفي الكتلوج اقريه زين عشان الغسالات تختلف,لاتعتمدين على كلامي .


وياحبيبتي انا من السعودية بس دوري اي ملمع مهب شرط فنيش,شوفي اللي يتوفر عندكم واشتريه.
والابيض اللي في الصوره هذا صابون جل..

اهم شي لاتلخبطين بين اشياء الغساله من صابون وملمع وملح..
لاني انا في البدايه كنت ماافرق بينهم..

الغساله تحتاج 3 اشياء( صابون + ملمع + ملح)

شوفي الصابوت 3 انواع اختاري واحد منهم واستخدمية:
1/ الصابون السائل اللي هو الجل اللي علبته بيضاء.
2/ الصابون المسحوق(البودره).
3/ الصابون المكعبات.


والملمع// عباره عن سائل خفيف كأنه مويه.


والملح// يشبه الملح الخشن.

واي استفسار عادي لاتترددين.

جوانا شوفي هذا الرابط ان شاء الله ينفعك بالذات ان فيه
وحده زيك حطت الصابون مكان الملمع:hahaha:
واعتقد نفس نوع غسالتك لانهم ذكروا شي اسود:42:
http://forum.hawaaworld.com/showthread.php?t=833919

لاتنسيني من الدعاااااااء.