سؤال فى التريكو

حبيبتي الشعل الدائري من غير خياطه بيتعمل بال5 ابر المفتوحه من الجهتين اما الابرتين المتصلتين بخيط نايلون دي بتعملي بها الشغل الدائري زي الرقبه بس بيكون فيه خياطه من ناحيه واحده واما ال5 ابر بتعملي بها الشرابات والقفازات

شكرا جزيلا على توضيحك الجميل يعنى الأبر اللى جبتها دى متنفعش غير للرقبة طيب عايزة اعرف بنشتغل عليها ازاى وهى الأبر المتصلة بخيط ذى ما قولتى بالضبط وربنا يعطى لكى الصحة والعافية

حبيبتي انتي بتلقطي غرز الرقبه عليها وتشتغلي عادي زي ماتكون ابرتين هي ميزتها انك بتكوني موصله الاكمام والكتف غير الابر المستقيمه لازم تكون القطع منفصله وكمان بتدي نتيجه احسن وتشطيب انظف

nonnamido

اضافة الى كلام العزيزة ام قسمت
حبيبتى الابر الدائرية بيتعمل بيها الى انتى عيزاه مش بس الرقبة و الشرابات
ممكن تعملى بيها بلوفر او بلوزة زى ما انتى عايزة و طريقة الشغل بيها روعة و سهلة جدا المشكلة فى تعلم العمل بها بيكون علشان انتى مش شايفة حد امامك مباشرة
لكن الشغل بيها روعة و سهل جدا انا عن نفسى بفضلها عن الابر العادية

على فكرة الابر الدائرية مقاسات مختلفة من حيث سمك الابرة نفسه و طول الوصلة البيلاستكية الموجودة بها

انا عندى روابط راح اضعها لك لتعلم الشغل بها و كمان رابط فيديو
اكرر مرة اخرى صعوبتها تكمن فى تمييزك لطول الوصلة البلاستيك و عدد الغرز الموجودة عليها
ركزى فى الروابط و انتى راح تفهمى بسهولة

http://www.knittinghelp.com/knitting/advanced_techniques/

ده رابط الفيديو

http://forum.hawaaworld.com/showthread.php?t=616295&page=81
ده رابط اخر بالعربى من دورة التريكو للاخت مودى لولو و اللى قامت بتقديم الابر الدائرية به هى الاخت
ام-على
مشكورة و جزاها الله كل خير

السلام عليكم
ازيك يا مودي حمد الله على سلامتك و على سلامه ياسمينا
يالا بقى احنا مستنين الحاجات الحلوة بتعتك
على فكرة انا الحمد لله قدرت اشتغل على الابرة الدائرية
انا مش قلتلك انا وراها وراها
بس انا بستاذنك اقول للبنات الي صعب عليها الشغل بالابرة الدائريه انا فهمتها و عرفت اشتغل عليها ازاي
و شكرا على ذوقك و سعة صدرك

1- اشتغلى الغرز عادي خالص زي ما مودي علمتنا



2- اسحبى الابرة ونزلي الغرز على السلك




3-لو الابرة بتاعتك سلكها طويل زي الي في الصورة اسحبي السلك من بين الغرز



4-وانقلي الغرز جزء على الابرى اليمين و جزء على الابرة الشمال




يتبع.......