سلام
يابنات انا اعيش في عزله واحس اني ابد ابد مو طبيعيه
وما احس فيه وحده عايشه مثلي
من كنت بالمتوسط او بالابتدائي وانا اغبط اللي ينامون الصبح
وكل ماكبرت كل ماكبر هالشعور
الا انا تخرجت واكتشفت انه وسواس من الشيطان
المهم انا متخرجه من سنتين
والله كنت ف وسط عالم وناس واختار هذولا الشله ماابيهم هذولا لا
وجوالي مايسكت لا مسجات ولا اتصالات ولا كولميات > مهمه انا
فجاه وبين ليله وضحاها كل ذا راااااااح وتبخر
وماكنت ابد ابد اتوقع مجرد توقع ان حالي كذا
من لما كنت بالمتوسط مااحب اخرج كثير وكذا
لكن المدرسه والبنات كانوا مجتمعي كله
اللحين اللي يصير لي غريب وغريب جدا واحيان اقول يمكن خيرررره هالوضع
ابد مو طبيعي
اقولكم ف البدايه تخرجي ايش صار
كانوا عندي قريبات بنات اخوات ف عمري وكنت اروح لهم اول ماتخرجت
واكتشفت انهم مايبوني بعدها تركتهم وليومكم ماسالوا عني
صاحباتي والله اول ماتخرجت ادق عليهم ومكالماتهم ثقيله مرررررره
كاني اشحذ منهم ريال
وانكشفت لي وجوه واقنعه كانت مصلحه
وحدة كانت توامي تخيلوا توظفت وانا كنت اكلمها ولادريت الا بالصدفه بعد فتره
وادق ببارك ولا عبرتني
ووحده كانت عسل وكانت مبهرتني بادبها ولباقتها ف حياتي ماشفت مثلها
بعد ماتخرجنا لما ادق تكلمني بوووجه وقحح
بعدين غيرت رقمي لان مو مستفيده منهم شي
اللحين وشلون حالي عزله تااااااااااامه
والله تمر شهر شهرين سنه مااروح لناس ولا احد يدري عني
اهلي كلهم لاهين بدراستهم وعملهم
الاقارب بس اعياد وزواجات ورسميات
ماعندنا ولامكان ف مدينتنا
قلت لابوي يدور لي شغل. قال سال وما لقى
انظر للتاريخ بحسره تمر ايام مالي نشاط فيها
ماغير اشتغل تنظيف ف البيت واسوي دلة قهوة بس كل يوم كذا كل يوم
ما اتخيل في وحده عايشه مثلي
حلوة جلسة البيت بس ابد مو كذا
لما انزل السوق صرت مااحب ابغى ازور ناس
ولما ادخل استقرام او تويتر والقى الناس تقول امس سافرنا كذا وامس سوينا شغل كذا
اغبطهم مره
دايم ادعي يارب بدل حالي ويصير لي نشاط لو ساعه ف اليوم
اقول لامي بوه احد مثلي تقول فيه ناس مثلك واردى كمان :36:
انثى نرجسيه @anth_nrgsyh_1
محررة برونزية
يلزم عليك تسجيل الدخول أولًا لكتابة تعليق.
منار الايمان
•
الله يفرجها عليك تقريبا مثل وضعك لا صديقات ولا طلعات أحيان أحس وجودي ماله قيمه الحمد لله على كل حال وربي يفرجها عليك
وضعك طبيعي وعادي ماشوف شي غريب واذا على صاحباتك نفس الي صارلك صارلي مع صحباتي الوقحات 10 تغيرو علي من دون اي سبب واضح ونفس الاسلوب الي ذكرتيه الله يرزقك بزوج او الوظيفه الي تخرجك من طفشك انا لما تزوجت ارتحت وانشغلت
عادي طبيعي جدا انا متزوجة وكل الي حولي ياموظفات يا يدرسون وانا ماغير نت واسوي القهوة انا وزوجي وبناتي حولي اخرج كل نهاية اسبوع لاهلي بس ماعندي نشاط معين حياة روتينية واعتفد الكل كذا بعد التخرج
الصفحة الأخيرة