سؤال ,, كيفية غسيل المراضع ؟؟

مرحبا اختي .. انا اغسلهم اول شي بماء وصابون غسيل لمراضيع الاطفال من شركة بيجون .. او شيكو .. وبعد ماشطفهم بالماي عدل .. احطهم في جهاز التعقيم من ماذركير ... استعمل هذي الطريقة لحد ما يصير عمر الطفل تقريبا سنتين .. وبالنسبة للتغير .. انا ماغير المراضيع الا اذا بغير كمية الحليب الي اعطيه للطفل .. بس اغير حلمة زجاجة الرضاعه كل شهر تقريبا.

هلا اختي الكادي ..
توني ادري انه في صابون مخصص لغسيل المراضع !! وين احصله ؟؟ في بيبي شوب ؟؟
انزين حبيبتي ,, بعد ما تطلعينهم من جهاز التعقيم ,, كيف تنشفينهم ؟؟

بالنسبة لشيكو تحصلينه في شيكو او الصيدليات وممكن كارفور ..اما بيجون انا ماخذة الا من بيبي شوب.ز واخذ كميات مره وحده لاني مرات ماحصلة..
بالنسبةللتنشيف والله انا مرات اخلية في الجهاز اذا عارفة ان بستخدم المرضاعه قريب .. وااذ انتي حابة تنشفينهم ممكن تاخذين نوع محارم كبير وقوي يستخدم للاطفال تحصلينه دايما في اقسام الاطفال وتقلبين المراضيع عليه (توقفينهم بالعكس)ولما ينشفون تركبين الحلمة والغطا وبس تخلينه لحين الاستخدام.

مشكورة اختي الكااادي ,, يزاج الله خير ..
انا حصلت في السوبرماركت نوع ثاني وشريته ..
إن شاء الله لما اروح بيبي شوب باخذ بيجون او شيكو

بنات الشرقيه لقيتو صابون رضاعات الاطفال ؟ ماقد سالت في شيكو ؟
انا طريقتي اغسل الرضاعه بعدالاستعمال مباشرة بصابون فارلين لرضاعات الاطفال , وبعدها اغليها بغلاية موذر كير وهذي تقدرين تخلينهم بعد الغلي جوا الغلايه بس 3 ساعات , طبعا يفضل انك تطلعينهم على طول بعد الغلي .. انا احطهم في دولاب صغير مخصوص للرضاعات تلقينه في تويز ار اص .. وفيه في بيبي شوب قاع\ه عليها عواميد تقلبين عليها الرضاعات والغطيان لما ينشفون تماما ركبي الرضاعه ..
تحياتي ..