معقوله حظي نحس لهدرجه من جد تمرمطنا بمعنا الكلمه يوم روحتنا السفاره وبالرياض والمشكله جايين من الشرقيه يعني ما عندنا وقت كفايه وما نعرف وين الاستديوا النسائي ومتا يفتح والوقت بيخلص الزبده الأذان قالو لنا لازم نطلعها مدري وش الحكمه وهاذا الي اعرفه ويليت تتأكدين اكثر يمكن مش كلهم يدققون لكن الأحتياط واجب ....

بالنسبه للاذا الله يبلشهم فيها ضيقو صدري يوم سمعهة بها قلت وش بيقول رجلي صدق باكستانيه وقلت اذا طلبو كذا منييييييييب رايحه مب لازم
المهم تروحين للاستديو وهي عندها خبره رحت للي في طريق العروبه لوحته حمرا مدري وش اسمه صراحه وقلت لها فيزه على طول عرفت قالت اهم شي شعرك من قدام يطلع بسسسسسسس لا اذان ولا باكستانيين يعني تحطين الطرحه فوق ما تلفينه ابد وبس ويطلع شكلك ملح
والمقاس والخلفيه هي تعرفها
وفعلا يبيلها وقت السفاره يعطونك موعد وانت وحظك عاد احيانا يطول واحيانا لا وبسسسسسسس

ما ابي احطمك بس لازم تبدين من الحين لان موعد مقابلتي عطوني اياه بعد تقريبا خمس شهوراو سته وطلعت الفيزا بعده بشهرين يمكن لاني لحالي زوجي كان موجود هنا وكنا نحتاج نراسله في بعض الامور
فلازم تبدين بدري اما سالفة الاذان اول مرة اسمع بها وش رايك تسوين صورتين باذان وبدون خخخخخ

والله يوفقك ويسهل امورك

ههههههههههههههههههههه حلللوه سالفة الاذان والله ماسويها على قطع رقبتي خخخخخخخخخخخخخخخ
انا عن نفسي ماطلعت اذاي ولا شي وعادي الموضوع مشى طبيعيبس انا للان وانا انبح ورا الملحقيه عشان يضموني للبعثه بس انطر ياحمار لين يجيك الربيع
وجالسه ادري على حسابي:(

مرحبتيــــــن كبار ..

mam lam .. لاتشيلين هم الصوره اهم شي مثل ماقالو البنات يكون جزء من الشعر طالع والوجه باين الى حد الاذان والدقن طالع .. بس قولي للبتصورك فيزا لامريكا
وهي تعرف المواصفات والمقاس وبتعلمك كيف شكل الحجاب وحتى لو لاسمح الله ماظبطت الصوره معاهم انا دخلوني بغرفه صغيره اخر شي فيها كاونتر قزاز وراه وحده وكاميرا قبالك وهي بتصورك يعني مافيها شحططه ان شالله

وعلى المقابله كلها اسئله روتينيه ياانا اذكر ركبي تطقطق من الخوف بس ماكانت تستاهل واللي يقابلون فيه رجال وحريم واذكر فيه اردنيه اذا حابه احد يسالك بالعربي .. عندهم باكستاني مرعب دايم مطنقر هههه .. اما عن كشف الوجه بيقولون لك ارفعي الغطا دقيقه يطابقون مع الصوره وبس

اهم شي استعجلي بالفيزا من الحين عالاقل تطلع بدري ولا تتأخر وتحوسكم لان مالهم وقت محدد

واذا بالسلامه سافرتو خلي معاك من صور الفيزا احتياط لو طلبوها لان اذكر بالمطار طلبو منا صوره لي واشوا كان معانا حتى يخرمها مايبي يخرم الاصليه
واذكر قال انهم يقيسون الصوره بالابهام يعني يحط ابهامه عالوجه ويشوف هل ابهامه يشمل الوجه كله او لا يعني مايكون الابهام على شي مغطى بحجاب ... وسلامتك :)

تقبلي تحياتي :26: ...