سؤال لبنات العين...

السلام عليكم ورحمة الله وبركاته

أخواتي بغيت أسألكن عن أحسن مدرسة حكومية في العين

أختي سكنت قريب في العين وحطت عيالها في مدرسة خاصة وندمانة أنها حطتهم في مدرسة خاصة لأنه الحكومية أحسن من الخاصة بمليون مرة وما فيها نظام ولا شي وإهمال من قبل المدرسين..

وهي ألحين تبغي منكن تخبرنها عن أحسن مدرسة حكومية من حيث تعليم الأدب والإحترام وتعلم المواد الدراسية بشكل منظم ومتابعة من قبل المدرسين يوميا.. لأنها تعاني كثير من ناحية إهمال المدرسين للمتابعة اليومية.. وإذا تفضلون أي مدرسة من المدارس الحكومية ذكروا لي مكانها لأنه أختي في منطقة المسعودي وإن شاء الله تفيدونها..


وبعد سؤال لو سمحتن

اللي تعرف أي مكتب من مكاتب تأجير الخدامات ممكن تدلوني عليه لأنها تتعامل مع واحد من عشر سنين وتجيب من عنده أندونيسيات وفلبينيات بس ألحين صارن ما يسمعن الكلام وما عندهن إحترام ومن كلمة وحدة يزعلن ويمدن البوز شبرين.. وهي ألحين تبغي تيب أثيبوية وهذا المكتب ما أييب أثيوبيات.. فاللي عنده أثيوبية أو شغالة زينة تخبرني من أي مكتب يايبتنها وجزاكن الله ألف خير

ما تقصرين يا بنات العين دار الزين..