سؤال لبنات كندا

وعليكم السلام ورحمة الله وبركاته

كندا ما فيها مستشفيات او غيادات خاصه كله حكومى...
يعنى لو واحد جاى وعليكم السلام ورحمة الله وبركاته

كندا ما فيها مستشفيات او عيادات خاصه كله حكومى...
يعنى لو واحد جاى علاج ومو كندى راح ينتظر دوره بالشهور
بس الكنديين او المقيمن زى الطلبه كلنا عندنا طبيب الاسره وهو يحولنا على الاطباء الثانين لو احتاج الامر
بس فى الحالات الطارئه زى الحوادث والولاده الغير متوقعه الاسعاف يستقبل هالحالات ومافيش مشاكل
طبعا الاسعاف او الطوارئ عندهم امقسمينه على حسب الاولويه يعنى احيانا نتظر بالاسعاف تقريبا 6 حالات او اكثر لو ماشين على مغص ومن غير تحويل وما عندهم واسطه،


مشكلتهم كيف الواحد يدخل بسيستم الصحه عندهم اول مره...

وطبيب الاسره انكلموه بالتليفون ويعطينا موعد فورى احيانا واحيانا لو عطله يبعثنا على قسم الطوارئ ويجى يشوفنا بلمستشفى ما نتظر
عندهم عيادات يسموها وك ان كلينك هذه اى حد يجى يعالج ومو ضرورى امسجل بس الى يشوفه طبيب عام وما يفيده كثير ولو مستعجل يحوله

جزاك الله خيرا :)

ان شاء الله تسهل علينا الغربة

ام محمد ماقصرت في ردها بس حبيت اركز على نقطه مهمه جدا ..
صحيح انه طبيب العائلة يقدر يحولك لأي دكتور تطلبيه لكن في كثير من الاحيان طبيب العائلة يستغلك ويقولك خليني اسوي كشف الحين ومراجعه بعد اسبوع وتعالي مرة ثالثه بعد اسبوعين ووو وبالنهاية وضعك يزداد سوء وانت مو حاسه وهو بس ياخذك ويجيبك على مراجعه وفحوصات مالها داعي ..
الطبيب من مصلحته انك تظلي معه اكثر فترة ممكنه حتى يكسب منك لكن في مثل هالحالات وخليك شديده وقولي تحولني لدكتور مختص (حالا) وخليك جاده جدا جدا ..
مرة انا التهب جفن عيني من الاسفل رحت الطبيب قالي حطي كمادات شاي وارجعي بعد يومين رحت بعد يومين وكان الالم زااااد عطاني مسكن استعملت المسكن بعد يومين من استعمالي المسكن انتفخ الجفن السفلى كله لدرجة غطت كل عيني وصار يؤلمني ألم فظيييييييييييع ورحت على طول للاسعاف ولما رحت لاموني وقالوا ليش ماجيتي طبيب عيون مختص من الاول مالك دخل بطبيب العائلة هو مهمته يحولك والسلام .. الحمد الله بعد تم معالجة الالتهاب بالطريقة الصح وشفيت بفضل الله ..
قصدي ياعيوني العناية الطبيه الممتازة متوفرة لكن لازم دايما تطالبي فيها وبجديه وقوة حتى مايستغلوا ضعفك..
ونفس الشي لما تتصلي تاخذي موعد مثلا مراجعة للحمل .. لاتقولي لها ابي اراجع وبس لأنها بتعطيك موعد يمكن بعد شهرين .. قولي دايما انك محتااااااااااااااجه الموعد ضروروروروي وانه حالتك ماتتحمل والا راح ترحي الاسعاف لوحدك وصدقيني فجأة يصير في مواعيد بعد ساعه كيف ماتعرفي !!
الله لايحيجنا لمواعيدهم ويديم علينا الصحه والعافيه جميعا يارب ..الهم امين

جزاك الله خير اختي رغد الحياه

والله خرعتوني
ماتوقت كندا جذي

واذا عندكم اي معلومه اضافيه تفيدني ياريت تحطونها عن المستشفيات والصحه

جزاكن الله كل خير :)