سؤال لزوجه الثانيه ؟<يوجد ملف خاص للزوجات الثانيات

لا تعممين أختي وكل واحد يمشي بأخلاقه ... أنا زوجة ثانية وماكنت اتمنى في يوم من الأيام إني أكون زوجة ثانية لكن قدر الله علي ذلك .. وزي مافيه زوجات أوليات مظلومات ترى حتى فيه زوجات ثانيات مظلومات ... وبعدين إذا كذا اسلوبها طنشيها ولا تعطينها بال ولا تحطين في بالك إنها ضرتك علشان ما تزيد الشحناء بينكم وماتسوى هالحركات الا تبغى تستفزك بس لا تمكنينها من هالشي.. استمتعتي بحياتك مع عيالك وزوجك ولا تخلين لها خانة في حياتك علشان ما تتعبين وفي النهاية هي اللي راح تكسب زوجك وانتي اللي بتخسرينه ... الله يسهل لك أمرك ويفرج همك

ام ثلاث زمردات ......انا والحمد لله مانتصره عايها بفضل ربي ثم صبري لكن استغرب من لما تستغربون غيرتنا على ازواجنا بالله يالغاليه جاوبي ترضي تكوني الاولى بدون ماتتفلتين ترضين تكوني الاولى

لا يا قلبي ماستغرب ولا أنكر غيرتك الغيرة مفطور عليها بني البشر لكن لا تحملين نفسك فوق طاقتها وبعدين اعلمي ان لكل شي حكمة وما تدرين يمكن في زواجه خير لك ويعرف قيمتك وقدرك... وعلى فكرة أنا سويت لنفسي حصانة ومأهلة نفسي ان ممكن زوجي يتزوج أي وقت علي وبالرغم من ذلك ماهمني لأن إذا رغبته في الزواج والتغيير ليش افرض نفسي عليه ... الله يرحمها جدتي عطتني حكمة ما أنساها تقول( من عافني عفته وسويت سواته إن صرت أنا أحبه زلت شفاته) وبعدين الرجل اذا شافك مطنشة وماتهتمين وشخصيتك مستقلة بذاتها صدقيني راح يركض وراك ويهتم فيك أكثر وأكثر بغض النظر لو كنتي الأولى أو الثانية او حتى الرابعة

الله يصبر قلبك ماتنلامين لكن حاولي تنسينها وعيشي لنفسك ماعليك من الرجال
انا زوجه وحيده وان شاء الله على طول مع ان مافيه شي مضمون في هالدنيا :(

لكن دايما ادعي ان اي وحده تشمت او تستفز حرمه تزوج عليها زوجها ان الله يذوقها
من نفس الكاس قولوا آمين

طنشي وعيشي لزوجك وعيااالك