الغاليه سنو وايت فكرتج وايد حلووة ونحن في هالدرس قلنا للبنات كل وحده تجمع صورها من اعمار مختلفه.. وسوينا لوحة كبيرة في الصف حطينا اعمالهم اللي هي صورهم وصدقج ان البنات يتذكرون الصور ويفهمون الدرس اكثر..

ولطلاب الصف الأول ....

في الرياضايات ....

احليلهم الجمع صعب عليهم شوي في البداية ... والطرح بعد

اقترحت على المدرسة مسألة اللوبيا أو الترمس .. او اي نوع من البقوليات وسويتها على شكل مسباح منها اتساعدهم في الرياضايات ومنها انها ما تضيع ولا حبة وتتعلق في رقبتهم ...:) لانه انتوا عارفين اليهال في هذا السن ما يحافظون على اغراضهم وااايد لازم يهملون شوي ويضيعووون ....:)

انا بنتي بتروح الصف ثاني ابتدائي شو تقترحين اختي سنو وايت واختي خوخه اسويلها من انشطه او افكار للصف او بكراساتها عشان تكون مرتبه ويعجب مدرساتها؟؟

هلا اخت القمر ..:)

دائما ركزي على دفاترها لما اتحل الواجب ....:)

انتي قعدي يمها واي غلط بسيط لا تتهاونين فيه بس مب بالترهيب والضرب ولا بالترغيب مثل ما انا مسوية ويا عيااالي

وانا عن نفسي مع بنتي .. اذا في الرياضيات بيحتاجون يكتبون الارقان او انه جدول الضرب كنت اسوي الجداول جاهزة بالكمبيوتر ... على حجم الدفتر وهي تعبيه بالاجابة يطلع الدفتر مرتب واايد وتطلع بنتج من المميزات في الترتيب ...

وبعد اقرا الدروس قبلها بفترة وانا على الكمبيوتر احضر لها مثل الكلمات الجديدة بالعربي والانجليزي واطبعهم لها ونتكلم عن هذي الكلمات وشو معناها .. وجذي البنت تحفظ بسرعة لانه في تفاعل ... وبعدين صدقيني اختي .. اذا البنت جدت معاج وقعدت تدور وياج بتفهم وتحفظ أكثر ... لاني يوم احضر لها اي شي طبعا ما احضره بروحي ... لازم هي معاااي ... واخر الايام صرت اتفاجئ انها صارت تدور وتسوي بنفسها ... وبصراحة فرحت وااايد وشجعتها اكثر ...

وفي دروس العلوم نحضر الدرس . ونقعد ندور على النت مواضيع تشبه مواضيع الدرس ونزيد في معلوماتنا .. بصراحة حتى انا استفااد .. بالرغم من صغر البنت والمنهج الابتدائي الا اني اتعلم اشياء جديدة معاها ... ومرة خذو درس في العلوم . عن الاوراق والساق ... الخ

تدرين ان حضرنا الدرس في زراعة البيت قاعدين ونطالع الشجر والاوراق وكنت اجلع الزراعة الصغير واراويها الجذوور ... وهني البنت تحضر وتحفظ في نفس الوقت ... وبالعكس اتصير لها معلوماات وتخزين اكثر ... والمعلمات ماشاءالله مستانسيين منها وااايد ...:) لانه تحضير الدروس بالتجارب وااايد افضل من القعدة والقراءة فقط ... الا انها تترسخ المعلومات في الذهن ولا تروح .. لان صارت عندها علملية الاكتشااارف .. وعملية الاكتشاااف وااايد مهمة بالنسبة لليهااال ...

يمكن انا ثرثارة وااايد .. بس اسمحووولي .. روحي ودمي التدريس ....
امووووت فيه ..:)

ولي تجارب وااااااايده فيه والحمدلله ... اكيد اتمر علي بعض الاغلاط بس صدقوني اتجنبها واعدل وما انكر الخطا...

مع اني مش مدرسة ... لكن هواااااااية ... واحب تدريس الصغار اكثر من الكبار ... ونقدر نزرع فيهم القيم الدينية اكثر لانه التعليم في الصغر كالنقش على الحجر ...

واسمحولي ....:) بس دخيلكم لا تقولون عني ثرثارة ... قولواا محبة للتعلييييم ...:)

واخت القمر

اذا في اي شي تراااني حاضرة في اي وقت ,,

ويا مرحبابج ..:)