سؤال لقشر قهوة بحكم خبرتك يالغاليه وصاحبات الخبرة الحلوات

أنا بكرية ودخلت التاسع والصراحة ماعندي خبره في أنظمة النفاس واللهومات والأشياء هذي وأمي مره كبيره ماتعرف هالاأشياء والصراحة استفدت كثير منك ومن البنات في المنتدى بس لاحظت كثرة اللهومات والوصفات والخلطات وربي انلخمت واحس اني ضايعة مدري بس أرجوك أبيك تساعديني انتي وكل صاحبة خبره وربي يكتب لكم الأجر
يعني أسويها كلها علما بأنها تتجاوز العشرين خلطة
وفيه بعد مشكله ثانية أن بعض الوصفات تشترك في نفس الوقت لازم اخذها على الريق مثلا زي الخمس فناجيل وخلطة العتيبيات طيب وش اسوي كيف استخدمها
وفية بعد بعض الخلطات يكون فيها نفس المكونات أو تشترك في بعض المكونات هل هذا يضر مثلا اكرر المحلب او القرفة في اكثر من خلطة بنفس اليوم
وبالنسبة للكبو ابي نصيحتك في مكونات ممتازه للنفاس ومضمونه ولا تضر بعدين
ادري طولت عليك بس استحمليني يالغالية وشكرا