مستحبل ازوجها اول شي زواج البنت صغيرة يخليها ممسة الاهل الزوج والله قلبتي عليا المواجع ليت زمان يعود

أنا تزوجت بعد الثانوي مباشرة والحمدلله كلامكم هذا يمكن لأنكن مدلعات قبل عند أهاليكن لكن أنا كنت شايلة مسؤولية كبييرة ببيت أهلي قبل الزواج بيت كبير مافيه إلا أنا وأمي نكرف الباقي عيال وأطفال فكان علي ضغغط ضغغط تحملت مسؤولية الصغار من وأنا صغيرة والبيت بعد تحملته مع أمي فلما تزوجت بالعكس تمااما طاح من ظهري كثيير من المسؤوليات وفي بيتي ماخذه راحتي عالآخر أنظف متى ما أبي وأطبخ متى ما أبي محد يزعل لو ماكنست الحين ولا ماسويت شغلي أول بأول فمرتاحة من ناحية المسؤولية ومن ناحية الزوج فياارب لك الحمد هو حولي في العمر وحابني قبل يخطبني فكان بيناتنا حب كبير يارب لك الحمد والشكر ودراستي كنت حابتها أنا الوحيدة المتزوجة في القاعة وماشاء الله أعلى معدل بين بنات قاعتي فالدراسة مايعيقها شيء للي تبي واللي ماتبي تلاقونها ببيت أهلها وتأجل وحالتها حالة فمو مقياس الزواج من عدمه مع العلم أول سنة جامعة حملت وجبت بنتي في الإجازة والحمدلله حمدا كثيرا طيبا الله يبارك اي في زوجي وذريتي يارب اللي يضايقني الحين هو جلستي عااطلة بدون وظيفة لأني أحب العمل خارج البيت جلستي سببت لي ضغوط نفسية وملل فضيييع مع أن عندي مسؤولية بيت وعيال بس أبدااا ماأغنوني عن العمل والاجساس بذاتي فيه يعني باختصار حالتي قبل التخرج أفضل من االحين😪😪 <<قصة حياتي😂
وبالنسبة لبناتي الله يعطيني طولة العمر وأشوفهن عرايس لما تكون البنت في سن زواج ويجيها رجل كفو وتكون خلصت الثانوية فراح أترك القرار لها هي مع إبداء رأيي بدون ضغوط أما أرفض قطعا فما أشوف هالشيء من حقي بسبب تجربتي أو تجربة غيري إذا قالت بكمل جامعة أنا معها وإذا وافقت معها والله يفرحني فيهن ويبلغني ذاك اليوم 😭😭😭😭

يا سلام تحرمين بنتك من حقها بالعفه والاستقرار والعاطفه عشانك عانيتي
دورك كأم تأهلين اطفالك يتحملون المسؤوليه ويعتمدون على انفسهم مو كل شيء على الخدم ولا كبرت البنت وانخطبت قلتي وي بنتي صغيره اخاف عليها وتعنس ولا لا قدر الله وحفظ بنات المسلمين تنحرف

مستحيل ازوجها اقل من 18 سنه
انا تزوجت بعد الثانوي
وكنت في الجامعه والله ضغط نفسي مو طبيعي
تعب وارهاق ودرجات في الحظيظ
فكيف اذا كانت في المتوسط اكيد وطبعا لا

اذا البنت تبغى زواج عادي ازوجها ليش لا
ابين لها ان الزواج مسئوليه وهي ورائيها