Lady of Prestige :

سلام يا حلوات أحيي الأخت شهد موضوع ممتاز و جا في وقته لأن فيه كثير من العضوات بالمنتدى يشكون من أزواجهم و فيه كثير بنات يخافون لما يقرون الكلام هذا أنا متزوجة و عندي أولاد و الحمد لله. أبي ألخص لكم رأيي في هالموضوع على شكل نقاط<<< أعذروني بس أحب الكلام يصير مرتب و مو حايس على بعضه: 1- الرجل ما يشوف التفاصيل زي المرأة، هو بس يشوف الصورة الكاملة مو بس في الزوجة في كل شي في الحياة هذي الطبيعة اللي حطها الله فيه. وهذا السبب اللي يخلي كثير من الرجال ينفر من كلام زوجته لأنها تدخله في تفاصيل التفاصيل اللي ما تهمه و تخليه يسرح بتفكيره عنها 2- كل رجل له مفتاح. مثلا واحد يهمه المرة المرتبة الثاني يهمه الأناقة الثالث يهمه الرشاقة الرابع يحب اللي تطبخ كويس، أو اللي كلامها حلو أو اللي تحترم أمه أو المثقفة أو اللي دمها خفيف .... الخ . اذا لقى الصفة اللي هو يبي فيها ما راح يهتم في باقي التفاصيل 3- أهم شي تكون صورتك الاجمالية حلوة و مرتبة و نظيفة و مهتمة بنفسك ور يحتك حلوة<<< هذي الصفات الخارجية 4- شي مهم جدا انك تحسسينه أنه أهم انسان في حياتك و انك تعبرين عن هالشي بكل الوسائل الممكنة 5- ريحي باله، لا تزعجينه بسوالف الحريم و قالت فلانة و علانة ولا أمي و خواتي أمك وخواتك... الخ من سوالف الحريم البايخة، ترى ما راح يحترمك و بيشوف انك زيك زي باقي الحريم. هو يبي انسانة تتكلم معاه و تخاطب عقله ووجدانه و ترتقي بنفسها بالكلام و ترتقي فيه عن المواضيع التافهة. 6- أما الصفة الأولى للجمال عند كل رجل في العالم واللي ما يختلف عليها اثنين مهما كانوا فهي........................ الشخصية... كوني صاحبة شخصية مميزة، واثقة، ذكية، راقية وهو راح يشوفك أجمل امرأة في العالم و الله ما راح يهمه ركبك و لا كوعك و لا المنطقة اياها و لا أي شي انتي تشوفينه عيب فيك و موضوعك حلو ولنا رجعة فيه ان شالله تسلم ايدينك و ايدين البنات اللي ردوا

سلام يا حلوات أحيي الأخت شهد موضوع ممتاز و جا في وقته لأن فيه كثير من العضوات بالمنتدى يشكون من...