سؤال للأمهات

السلام عليكم ورحمة الله وبركاته
مساء الخير
أنا عندي ولد عمره ست سنوات السنه الجايه بيدخل المدرسه بإذن الله
مشكلته انه مايعرف يدافع عن نفسه أبدااااا وهالشي مضايقني مانروح عزيمه او يجوني ناس معاهم اطفال الا لازم ينضرب وضرب قوي منهم بعد ويجلس ورى ظهري يبكي والله يقطع قلبي اخته الي أصغر منه اقوى منه وتدافع عن نفسها بس هو لا
حتى لمن يجونا اطفال للبيت يحزني يطلع لهم كل العابه علشان يلعبون معاه يلعبون شوي بعدين يقلبون عليه ويكسرون له لعبه او ثنتين وهو بس يبكي واذا قلت له دافع عن نفسك يقول مااقدر هم اقوى مني وهو صادق مره نحيف اعد ضلوعه عد واطفال اقاربنا ماشاء الله عليهم اجسامهم ضخمه
واذا سمعته ينضرب وقمت ادافع عنه جلسو الحريم يقولون خليه يدافع عن نفسه لايعتمد عليك بس والله اني سمع صوت ضربهم له ماكانهم اطفال
والمشكله انه يحبهم وحاطهم اصحابه
الله يسعدكم ابغاكم تقولون لي كيف اخليه يدافع عن نفسه والشي الثاني ابغى اكل يزيد وزنه
جزاكم الله خير