حبيبتي زيت اركان صعب تحصلين الاصلي ولي بالمحلات ما توقع انه اصلي احنا نجيب الحبوب ونزينه بالبيت ونستخدمه للاكل وحتى لي التجميل وحتى للشعر فهو صحي وممتاز زيت السمسم ما فيه ريحه لاكن زيت اركان ريحته قويه وتشمينه من بعيد .

اختي بالنسبة لزيت اركان جدا جدا جدا مفيد للوجه والشعر ايضا وفالمغرب اي شئ مخلوط بزيت اركان تحصلين عليه زحمه انا ماقد مشا معي ولا واقي شمسي بس حصلت مرة واقي بزيت اركان واشتريته والله يقي من الشمس ويبيض بعد جبت معي من زيت اركان نوعين واحد لونه غامق قريب من لون العسل والثاني لونه فاتح زي لون زيت عافيه بس على اغمق شوي واحط منهم الاثنين على وحهي وعلى شعري .
اما اذا تبين تعرفين المغشوش من الاصلي خلي ابوكم(زوجك)يروح لمنطقة الجنوب زي اغادير انا اشتريته من هناك بس قلت للي باعه لي انا بشتريه منك بس فذمتك انت اذا كان مغشوش ماراح اسامحك لادنيا ولا اخرة قال بذمتي قلت خلاص واشتريته بس طلع اصلي لان نتيجته تبين من ثاني اسبوع
اما السعر فالرخيص مغشوش والغالي اصلي واحيانا يبيعون المغشوش غالي عشان الزبون يضنه الاصلي السعر يبتدي من 100ريال سعودي للقارورة بحجم قارورة زيت زيتون وكل ما يكون الحجم اكبر يزيد السعر وفيه منهم باحجام الجركل تبع المويه صحة بس مو الكبير لا الصغير وبالنسبه للاخت مااروع تقول لازم يكون معتس خبير خلينا نكون صريحين يااختي مااظن فيه مغربي رجال راح يتخلى على منفعة ابن بلده عشان اجنبي وخصوصا الخليجي وأخواتي المغربيات عارفين ليش المهم لا نخرج على الموضوع يشتريه واذا كان معه احد صديقه مرررررررررة من المغرب راح يفزع له انا غيره مااظنه يفزعه الا راح يخشه ونصوارجو اذا ماكان يعرف احد يتوكل بس على الله ويشتري من رجال كبير فالسن وماراح يغشه ان شاء الله
ارجو ان اكون ماطولت عليكم لان الاخت حزت فخاطري وتبغى زي ماقالت تشتري كميه كبيرة فحرام ما نوريها .
ارجو ان اكون افدتك يااختي ولو بشوي معلومات واي سؤال انا جاهزة

الأخت ضحكة شقاوة ممكن اسم واقي الشمس التي استعملتيه و اين اجده

أختي زيت اركان سبق لي أن تكلمت عنها في المنتدى فهي جد رائعة و يجب التفريق بين زيت التجميا و زيت الاكل و بالنسبة للزيت الاصلية فالمسألة تبقى الثقة عند من تشتريها ادا اردت المزيد ارسلي على الخاص

شوفي الغاليه انا شغت برنامج متكامل عن زيت اركان هو بالاساس اشجار زي الزيتون ياخذو البذره ياخذوها ويحمصوها ويطحنوها في اله زي الة الرحاه ((الة سحق الحبوب زمان))
هذا بالنسبه للاكل اما الي للبشره على ما فتكر انه مابيحمصوه على طول بيطحنوه وهذا الفرق بين حق الاكل والجسم في البرنامج تكلمو عنه كثير ومدحوه بس اختي صاحبة الموضوع اذا كنتي من السعوديه وبالخص مكه اوجده راسليني على الخاص