بشوره

بشوره @bshorh_1

عضوة نشيطة

سؤال للجميع ..(كيف ارعى ابنتي البعيدة عني )...؟؟؟

الأسرة والمجتمع

السلام عليكم ورحمة الله وبركاته ........ وبعد كيف أتعامل مع ابنتي التي تعيش عند والدها ؟
وجزاكم الله خيرا .:27:
7
1K

يلزم عليك تسجيل الدخول أولًا لكتابة تعليق.

تسجيل دخول

يافعه
يافعه
وضحى أكثر والدها هو زوجك حاليا .
sweetgurl
sweetgurl
و عليكم السلام
مثل ما قالت اختنا يافعه وضحي اكثر
بعدين بنتك اشلون اتعملك
هيا الي عايشه مع ابوها من اردتها او من ارادت الوالد
و اشلون تصرفها معج
؟؟؟
كبرياء ارنبه
كبرياء ارنبه
السلام عليكم ورحمة الله وبركاته...

اولا": ماقلتيلنا بنتك كم عمرها؟

ومن متى وهي تعيش عند والدها؟اذامن زمان اعتقد انها تعودت على الحياه عنده؟؟؟؟ وبعدين انتي ماوضحتي تقولين اشلون اتعامل مع بنتي؟؟ يعني ماقلتي هل هي عاصيه ام انتي عصبيه؟؟


واخيرا"....... اتمنى اني مازعجتك بكثرة الأسئله...

تحياتي..:21:
كبرياء ارنبه
عصير كوكتيل
عصير كوكتيل
أكيد الأخت بشورة تقصد أنها مطلقة و بنتها

تسكن مع زوجها السابق ....؟؟؟؟

*********************************************
شوفي أختي :

1) عامليها بالطيب و بالكلام الحلو بس مو تدلعينها زيادة عن اللزوم

2) لا تتكلمي عن أبوها بالسيء قدامها و لو كان هذا صحيح و خصوصا إذا كانت صغيرة

3 ) اتركيها تحب أبوها و تخرج معاه فهذا من حقها

4 ) ممكن تأخذيها خميس و جمعة لبيتك و تغدقي عليها من حنانك

5) الله ييسر أمرك و يرعى بنتك

بس ياليت تقوليلي هل عندها زوجة أب أو لا ؟؟؟؟؟
طمطومه
طمطومه
رغم انك ما كتبتي تفاصيل بس انا بقولك اللي عندي


1- حسسيها بحبك وحنانك دايما وربيها على الدين الاسلامي وحببيها في القران ودايما جدامها ادعي للغير علشان هي تدعي لك بالغيب وما اعتقد ان في شي راح يفرحك كثر ان تكون بنتك تدعي لك وطبعا هذا يكون من حبها لج

2-كوني صديقتها بس في حدود المعقول يعني الصح صح والغلط غلط بس لاوم بالاول والاخير تعلمينها سبب تصفاتك وانك تخافين عليها

3-اذا كنتي متزوجه من واحد ثاني لا تحسسينها ان احد ماخذ مكانها مهما يكون

4- ذكينها دايما انها قطعه منك

5- استقبليها دايما بقصه او خبر يفرح او شي طريف تدرين ليش علشان لا يكون عندك نكد فتتضايق وما تجيكي

6-لما تروحين السوق اشتري لها شي معاج يعني مثلك او اي شي علشان تعرف انج تفكرين فيها وهي راح تعملك نفس الشي يعني مع الايام اذا شافت شي راح تشتريلك معاها

ودي اكون افدتج والله يجمعك مع بنتك دايم