سؤال للدكتورة بخصوص الحليب

مرحبا دكتورة..

بنتي عمرها 8 شهور و3 اسابيع..
وزنها 8 كيلو..
نحيفه وايد..
مارضعتها طبيعي..
كنت استخدم لها حليب سميلاك..
ولما كملت 6 شهور سيميلاك ادفانس..
وامس بس شريت لها ابتاميل غولد.. قلت باغير الحليب لانها وايد ضعيفه..
ليملحين ماطلع لها اسنان.. والدكتور يقول طبيعي الى سن السنه وشهرين.. والحين تحاول تمشي.. بس ماحبت ابدا.. فقط تنقلب..
اكلها: تاكل جبن وروب دجاج وارز وخضروات ماتحب الا البطاطس والكوسا بس. اعطيها اكل الاطفال المعلب من جيربر.. وسيريلاك..
ماتحب السمك واول ما اعطيها ترجه على طول.. جربت الصافي والكنعد..
ماتحب التمر وايضا ترجع اذا اعطيها حتى لو قطعه صغيره.. بس اسوي لها ماء التمر..
وايد تغربل في الاكل.. تاكل شوي بس وعلى طول تشبع..
انا فكرت اغير لها الحليب لاني كنت مسافره فتره وغيرت لها الحليب شريته من هناك.. وحسيت فيها وايد متنت وزاد وزنها وكبرت.. لكن احنا ماعندنا هذاك النوع من الحليب..
فايش رايج يا دكتورة؟؟ شنو اعطيها حليب يمتن؟؟