سؤال للدكتوره بخصوص طفلتى 3 ايام

حمد الله على السلامة و الف مبروك تتربى في عزك و عز ابوها
ما تقلقيش بالنسبة للبراز انا كنت والدة قيصرية زيك و طبعا نفس الشئ ابني الاول اخذ جلوكوز و الحليب عندي نزل متاخر يعني 4 ايام نقط بسيطة و بعدين زاد شوية بس انا بالنسبة لي كان الحليب عندي قليل و لما سالت قالوا انه ساعات اللي والدة قيصري بيكون الحليب عندها قليل بس انتي حاولي على طول تمسكيها صدرك عشان الحليب يزيد انا عارفة انه الجلوس مؤلم بس حاولي تاخذي اكثر وضعية مريحة و سمي بالله و طبعا ما دام انها لسه مش بترضع كويس و بتاخذ جلوكوز يبقى لازم البراز يكون سائل و طبيعي اصلا انه يكون غير متماسك في الشهور الاولى

جزاك الله خيرا يا زوجة وائل على الرد بس انا اللى قالقنى عدد مرات التبرز لحد دلوقتى 4 مرات فى نفس اليوم و كلهم سوائل
بالنسبه للبن الحمد لله بدا ينزل النهارده وبطلت اديها جلوكوز علشان تمص اكتر و اللبن يبدا فى الزياده

مشمشة اسكندرانية
حمدا لله علي سلامتك وسلامه المولود
فين المشكله؟
عدد مرات التبرز؟!!!..............
في الشهر الاول من العمر
ممكن الطفل يخرج مع كل رضعه
ماهو وزن ابنتك؟
وكل المطلوب منك انك ترضعيها وترضعيها وترضعيها وترضعيها وبس
ونتابع معا
لو لديكي اي استفسار في انتظارك

جزاك الله خيرا يا دكتوره نجلاء
طفلتى 3كيلوجرام و 300 جرام وبالفعل هى تخرج مع كل رضعه بس علشان هى اول بيبى عندى مكنتش اعرف المعلومه دى
جعلك الله فى عون المحتاج وجزاكى عنا كل خير

الحمد لله الدكتورة طمنتك و ربنا يحفظها لك